• June
    25
    Tuesday

Main Area

Main



நடிகர் பிரகாஷ்ராஜ் ராஜ் வெற்றி பெற்றால் கிடைக்கும் பெருமை?-சுவாரஸ்ய தகவல்!

வேட்புமனு தாக்கல் செய்த பிரகாஷ்ராஜ்
வேட்புமனு தாக்கல் செய்த பிரகாஷ்ராஜ்
Loading...

பெங்களூரு: நாடாளுமன்ற மக்களவை தேர்தலில் பெங்களூர் மத்திய தொகுதியில் போட்டியிடுவதற்காக நடிகர் பிரகாஷ்ராஜ் வேட்புமனுவை தாக்கல் செய்துள்ளார்.

தமிழ், தெலுங்கு, கன்னடம் உள்ளிட்ட பல படங்களில் நடித்து வரும் பிரபல நடிகர் பிரகாஷ் ராஜ், அண்மைக்காலமாக மத்திய அரசையும், பிரதமர் மோடியையும் கடுமையாக விமர்சித்து வந்தார்.

இதையடுத்து, பெங்களூரு மத்திய தொகுதியில் போட்டியிடுவதாக அறிவித்த அவர்,  தன்னை பொது வேட்பாளராக அறிவித்து மதச்சார்பற்ற கட்சிகள் ஆதரவு தெரிவிக்க வேண்டும் எனவும் வேண்டுகோள் விடுத்தார். அவருக்கு ஆம் ஆத்மி கட்சி மட்டும் ஆதரவு தெரிவித்துள்ளது.

இந்நிலையில், பெங்களூர் மத்திய தொகுதியில் போட்டியிடுவதற்காக நடிகர் பிரகாஷ்ராஜ் தனது வேட்புமனுவை இன்று தாக்கல் செய்துள்ளார். அதன்பின்னர், வீதிவீதியாக சென்று பொதுமக்களிடம் அவர் வாக்கு சேகரித்தார்.

sumalatha

அதேபோல், கன்னட நடிகரும், முன்னாள் மத்திய அமைச்சருமான அம்பரீஷீன் மனைவியும் நடிகையுமான சுமலதா கர்நாடகாவின் மாண்டியா தொகுதியில் சுயேட்சையாக போட்டியிட வேட்புமனு தாக்கல் செய்துள்ளார்.

சுமலதா மற்றும் பிரகாஷ்ராஜ் ஆகியோர் நாடாளுமன்ற தேர்தலில் சுயேட்சையாக வெற்றி பெற்றால், 52 ஆண்டுகளுக்கு பிறகு கர்நாடகாவில் இருந்து சுயேட்சையாக நாடாளுமன்றம் செல்பவர்கள் என்ற பெருமையை பெறுவார்கள் என்பது குறிப்பிடத்தக்கது.

2018 TopTamilNews. All rights reserved.