• May
    26
    Sunday

Main Area

Main



6ஆம் கட்ட தேர்தலிலேயே உறுதியாகிவிட்டது பாஜகவிற்கு தான் வெற்றி என்று" டெல்லியில் அமித்ஷா பெருமித பேச்சு!!

அமித் ஷா
அமித் ஷா
Loading...

ஆறாம் கட்ட தேர்தல் முடிந்த உடனேயே தெரிந்துவிட்டது பாஜக விற்குத்தான் இம்முறை வெற்றி என்று என டெல்லியில் அக்கட்சியின் தலைவர் அமித் ஷா தெரிவித்துள்ளார்.

இந்தியாவில் மத்தியில் நடக்கும் பாஜகவின் ஐந்து ஆண்டுகால ஆட்சி முடிவுற்ற நிலையில் தற்போது நாடு முழுவதும் 543 மக்களவை தொகுதிகளுக்கான பாராளுமன்ற தேர்தல் ஏழு கட்டங்களாக நடத்த தேர்தல் ஆணையம் முடிவு செய்தது. ஏப்ரல் 11ம் தேதி துவங்கி மே 19ஆம் தேதி வரை நடைபெறும் இத்தேர்தலில், கடந்த மே 12ஆம் தேதி வரை ஆறு கட்ட தேர்தல் வாக்குபதிவுகள் நடந்து முடிந்து விட்டன. 7ஆம் கட்ட தேர்தல் மே 19ஆம் தேதி நடந்து முடிந்த உடன், மே 23-ஆம் தேதி பதிவான வாக்குகள் எண்ணும் பணி துவங்கும். அன்றைய தினம் முடிவுகளும் அறிவிக்கப்படும். 

amitshah

இந்நிலையில், தற்போது மத்தியில் ஆட்சி செய்து வரும் பாஜக தான் மீண்டும் ஆட்சிக்கு வரும் என அக்கட்சி தலைவர் அமித் ஷா டெல்லியில் நடைபெற்ற பத்திரிக்கையாளர்கள் சந்திப்பில் தெரிவித்தார். 6ஆம் கட்ட தேர்தல் முடிந்தவுடனேயே பாஜக பெரும்பான்மை பெறுவதும் உறுதியாகிவிட்டது என்றார்.

அமித்ஷா கூறுகையில், "5ஆம் மற்றும் 6ஆம் கட்ட தேர்தலிலேயே தேவையான பெரும்பான்மையை பாஜக பெற்றுவிட்டது. 7ஆம் கட்ட தேர்தல் பாஜகவிற்கு 300 தொகுதிகளுக்கும் மேல் பெறுவதற்கு உதவியாக இருக்கப்போவதாகவும். மீண்டும் மத்தியில் மோடியின் நல்லாட்சி மலரும்" என தெரிவித்துள்ளார்.

மத்தியில் நடைபெற்றுவரும் 543 மக்களவை தொகுதிகளுக்கான தேர்தலில் குறைந்தபட்சம் 272 தொகுதிகளில் வெற்றி பெரும் கட்சி தனி பெரும்பான்மையுடன் ஆட்சியமைக்கலாம் என்பது குறிப்பிடத்தக்கது.

2018 TopTamilNews. All rights reserved.