குடும்பத்தினருடன் சென்று வாக்களித்தார் சச்சின் டெண்டுல்கர்

மகாராஷ்டிரா மாநில சட்டப்பேரவை தேர்தலையொட்டி இந்திய முன்னாள் கிரிக்கெட் வீரர் சச்சின் டெண்டுல்கர் தனது குடும்பத்தினருடன் சென்று வாக்களித்தார். 
 
மகாராஷ்டிரா மற்றும் ஜார்கண்ட் மாநிலத்தில் சட்டப்பேரவை தேர்தலுக்கான வாக்குப்பதிவு நடைபெற்று வருகிறது. மகாராஷ்டிராவில் உள்ள 288 தொகுதிகளுக்கு இன்று ஒரே கட்டமாக வாக்குப்பதிவு நடைபெற்று வருகிறது.  காலை 7 மணிக்கு தொடங்கி உள்ள வாக்குப்பதிவு மாலை 6 மணி வரை நடைபெறவுள்ளது. மகாராஷ்டிரா சட்டப்பேரவை தேர்தலில் 2086 சுயேச்சைகள் உட்பட மொத்தம் 4136 வேட்பாளர்கள் போட்டியிடுகின்றனர். தேர்தல் பணிகளில் சுமார் 6 லட்சம் அரசு ஊழியர்கள் ஈடுபட்டுள்ளனர். ஏற்கனவே ஜார்கண்ட் மாநிலத்தில் முதல் கட்ட தேர்தல் நடந்து முடிந்துள்ள நிலையில், இன்று இரண்டாம் கட்ட தேர்தல் நடைபெறவுள்ளது.

இந்த நிலையில், மகாராஷ்டிரா மாநில சட்டப்பேரவை தேர்தலையொட்டி இந்திய முன்னாள் கிரிக்கெட் வீரர் சச்சின் டெண்டுல்கர் தனது குடும்பத்தினருடன் சென்று வாக்களித்தார். தனது மனைவி மற்றும் மகளுடன் மும்பையில் அமைக்கப்பட்டுள்ள வாக்குச் சாவடியில் சச்சின் டெண்டுல்கர் தனது வாக்கினை பதிவு செய்தார். இதேபோல் மக்களும் நீண்ட வரிசையில் காத்திருந்து வாக்களித்து வருகின்றனர்.