ஜம்மு - காஷ்மீர் 2ம் கட்ட தேர்தல் : விறுவிறு வாக்குப்பதிவு.. 

ஜம்மு - காஷ்மீரில் சட்டப்பேரவை தேர்தலுக்கான 2ம் கட்ட வாக்குப்பதிவு தொடங்கி விறுவிறுப்பாக நடைபெற்று வருகிறது.  

ஜம்மு - காஷ்மீரில் மொத்தம் உள்ள 90 சட்டமன்ற தொகுதிகளில் முதல்கட்டமாக  24 தொகுதிகளுக்கு கடந்த 18ம் தேதி தேர்தல் நடைபெற்றது.   அதன்படி காஷ்மீரில் 16 தொகுதிகளுக்கும், ஜம்முவில் 8 தொகுதிகளுக்கும் முதல்கட்ட வாக்குபதிவு நிறைவுபெற்றுவிட்டது. அந்த தேர்தலின்போது 61 சதவீதம் வாக்குகள் பதிவாகின.  இந்த நிலையில் இன்று ஜம்மு - காஷ்மீரில் 2ம் கட்ட தேர்தல் நடைபெற்று வருகிறது.  காலை 7 மணிக்கு வாக்குப்பதிவு தொடங்கிய நிலையில் மக்கள் நீண்ட வரிசையில் காத்திருந்து , தங்களது வாக்கினை செலுத்தி வருகின்றனர்.  

ஜம்முவில் 11 தொகுதிகள், காஷ்மீரில் 15 தொகுதிகள் என 26 தொகுதிகளுக்கு இன்று வாக்குப்பதிவு நடைபெறுகிறது.  இந்த தேர்தலில் மொத்தம் 239 வேட்பாளர்கள் களமிறங்கியுள்ள நிலையில்,  27 லட்சத்து 78 பேர் வாக்களிக்க தகுதி பெற்றுள்ளனர்.   10 ஆண்டுகளுக்குப் பிறகு சட்டப்பேரவைத் தேர்தல் நடைபெறுவதால், வாக்குப்பதிவை அமைதியாகவும், பாதுகாப்பாகவும் நடத்தி முடிக்க ராணுவம், துணை ராணுவம் மற்றும் மாநில போலீஸார் என பல அடுக்கு பாதுக்காப்பு போடப்பட்டுள்ளது.