வயநாடு இடைத்தேர்தலில் பிரியங்கா காந்தி முன்னிலை!

வயநாடு மக்களவை தொகுதி இடைத்தேர்தலில் காங்கிரஸ் கட்சி சார்பில் போட்டியிட்ட பிரியங்கா காந்தி முன்னிலை வகித்துள்ளார். 

நடந்து முடிந்த நாடாளுமன்ற தேர்தலில் பாஜக கூட்டணி ஆட்சியை கைப்பற்றியது. காங்கிரஸ் கட்சி எதிர்க்கட்சி அந்தஸ்துக்கு தேவையான இடங்களை கைப்பற்றி, எதிர்க்கட்சியாக உருவெடுத்தது. காங்கிரஸ் கட்சியின் முன்னாள் தலைவர் ராகுல் காந்த கடந்த நாடாளுமன்ற தேர்தலில் கேரளாவின் வயநாடு மற்றும் உத்தரபிரதேச மாநிலம் ரபபேலி உள்ளிட்ட 2 தொகுதிகளில் போட்டியிட்டு இரண்டிலும் வெற்றி பெற்றார். இதனை தொடர்ந்து அவர் வயநாடு எம்.பி. பதவியை ராஜினாமா செய்தார். இதனால் வயநாடு தொகுதி காலியான நிலையில், அங்கு இடைத்தேர்தல் நடத்தப்பட்டது. இந்த இடைத்தேர்தலில் மொத்தம் 16 வேட்பாளர்கள் போட்டியிட்டனர். காங்கிரஸ் கட்சி சார்பில் ராகுல் காந்தியின் சகோதரி பிரியங்கா காந்தியும், சிபிஐ சார்பில் சத்யன் மொகேரி, பாஜக சார்பில் நவ்யா ஹரிதாஸ் போட்டியிட்டனர். 
 
இந்த நிலையில், வயநாடு மக்களவை தொகுதி இடைத்தேர்தலில் காங்கிரஸ் கட்சி சார்பில் போட்டியிட்ட பிரியங்கா காந்தி முன்னிலை வகித்துள்ளார். பிரியங்கா காந்தி 51,930 வாக்குகள் முன்னிலை பெற்றுள்ளார். சிபிஐ வேட்பாளர் சத்யன் மொகேரி, பாஜக வேட்பாளர் நவ்யா ஹரிதாஸ் ஆகியோர் பின்னடைவை சந்தித்துள்ளனர். இதன் காரணமாக பிரியங்கா காந்தி வெற்றி பெறுவார் என எதிர்ப்பார்க்கப்படுகிறது.