இன்டர்நெட்டை அரசாங்கங்கள் கட்டுப்படுத்த வேண்டும் என்று முந்தைய காங்கிரஸ் கூட்டணி அரசு விரும்பியது... பா.ஜ.க. பதிலடி

இன்டர்நெட்டை அரசாங்கங்கள் கட்டுப்படுத்த வேண்டும் என்று காங்கிரஸ் தலைமையிலான முந்தைய ஐக்கிய முற்போக்கு கூட்டணி அரசாங்கம் விரும்பியது என பா.ஜ.க. பதிலடி கொடுத்துள்ளது.

நம் நாட்டில் கடந்த வெள்ளிக்கிழமை புதிய தகவல் தொழில்நுட்ப விதிகள் அமலுக்கு வந்தது. இந்த புதிய விதிகளின்படி, சமூக ஊடக தளங்கள் தகுந்த விடா முயற்சியை செய்வதற்கும், சட்டவிரோத உள்ளடகத்தை அவர்களாகவே அகற்றுவதற்கு நியாயமான முயற்சிகளை மேற்கொள்வதற்கும் அதிக பொறுப்பை கொண்டிருக்கும். சமூக ஊடக தளங்கள் சில சர்ச்சைக்குரிய உள்ளடகத்தை புகாரளித்த 72 மணி  நேரத்துக்குள் அகற்றுவதற்கு விதிகள் வழிசெய்கின்றன. அதேசமயம், புதிய தகவல் தொழில்நுட்ப விதிகள் தொடர்பாக மத்திய அரசை எதிர்க்கட்சிகள் குற்றம் சாட்டின. குறிப்பாக கபில் சிபல் செய்தியாளர்களிடம்  பேசுகையில், அரசுக்கு பாதுகாப்பானது மற்றவர்களுக்கு பாதுகாப்பற்றது என்பதுதான் இந்த அரசின் கொள்கை. 

சாதாரண மக்களுக்கு எஞ்சியிருக்கும் ஒரே தளம் சமூக ஊடகங்கள். அவதூறான அறிக்கைகள் வெளியிடப்பட்டால் மக்கள் மீது (புதிய விதிகளின் கீழ்) வழக்கு தொடரப்படும். அரசுக்கு பாதுகாப்பானது மற்றவர்களுக்கு பாதுகாப்பற்றது என்பதுதான் இந்த அரசின் கொள்கை. சாதாரண மக்களுக்கு எஞ்சியிருக்கும் ஒரே தளம் சமூக ஊடகங்கள். அவதூறான அறிக்கைகள் வெளியிடப்பட்டால் மக்கள் மீது (புதிய விதிகளின் கீழ்) வழக்கு தொடரப்படும். முதலில் அவர்கள் (பா.ஜ.க. தலைமையிலான அரசாங்கம்) டி.வி. நெட்வொர்க்குகளை பிடித்தனர். இப்போது அவர்கள் சமூக ஊடக தளங்களை பிடிக்கப் போகிறார்கள். இது ஊடகங்களின் விரிவான கைப்பற்றல். நாம் ஒரே நடத்தை விதிகள், ஒரு அரசியல் கட்சி, ஒரே ஆட்சி முறையை நோக்கி நகர்கிறோம், யாருக்கும் பதில் சொல்ல முடியாது என தெரிவித்தார். 

இந்நிலையில் எதிர்க்கட்சிகளின் குற்றச்சாட்டுக்கு மத்திய பா.ஜ.க. அரசு பதிலடி கொடுத்துள்ளது. மத்திய இணையமைச்சர் ஆர்.சந்திரசேகர் கூறுகையில், முந்தைய ஐக்கிய முற்போக்கு கூட்டணி அரசாங்கம் (காங்கிரஸ் தலைமையிலான முந்தைய மத்திய கூட்டணி அரசு) சீனாவுடன் இணைந்து பணியாற்ற விரும்பியது. உலக அரசாங்கங்கள் இணையத்தை ஒரு நிறுவனத்துக்கு எடுத்து செல்வதன் மூலம் கட்டுப்படுத்த வேண்டும் என்று விரும்பின.  ஆனால் பிரதமர் மோடி இந்த திட்டத்தை நிராகரித்து இன்டர்நெட்டை இலவசமாகவும், வெளிப்படையாகவும் ஆக்கினார். இவ்வாறு அவர் தெரிவித்தார்.