விரைவில் மடிக்கக்கூடிய ஸ்மார்ட்போனை அறிமுகம் செய்யும் டெக்னோ!

டெக்னோ நிறுவனம் விரைவில் மடிக்கக்கூடிய ஸ்மார்ட்போனை அறிமுகம் செய்யவுள்ள நிலையில், அதன் சிறப்பம்சங்கள் இணையத்தில் வெளியாகியுள்ளன. 

டெக்னோ சீனாவின் சேன்சேனை தலைமையிடமாக கொண்டு செயல்படும் ஒரு செல்போன் தயாரிப்பு நிறுவனம் ஆகும். இந்த நிறுவனம் தற்போது இந்திய சந்தையில் புதிய ஸ்மார்ட்போன்களை அறிமுகப்படுத்தி வருகிறது. அந்த வகையில. டெக்னோ நிறுவனம் தனது முதல் மடிக்கக்கூடிய  ஸ்மார்ட்போன் உற்பத்தியை இந்தியாவில் துவங்கியுள்ளது. டெக்னோ ஃபேண்டம் V ஃபோல்டு மாடலின் உற்பத்தி நொய்டாவில் உள்ள ஆலையில் நடைபெற்று வருகிறது. இங்கு ஆண்டிற்கு 24 மில்லியன் ஸ்மார்ட்போன்கள் உற்பத்தி செய்யப்படுகின்றன.  டெக்னோ நிறுவனத்தின் புதிய ஃபேண்டம் V ஃபோல்டு ஸ்மார்ட்போனினை இந்தியாவில் ஏப்ரல் 11 ஆம் வெளியிட இருக்கிறது. அறிமுக சலுகையாக இந்த ஸ்மார்ட்போனின் விலை ரூ. 77 ஆயிரத்து 777 என நிர்ணயம் செய்யப்பட்டு உள்ளது. அறிமுக சலுகையில் பங்கேற்க ஏப்ரல் 12 ஆம் தேதி அமேசான் வலைதளத்தில் நடைபெறும் விற்பனையில் கலந்து கொள்ளலாம் என தெரிவிக்கப்பட்டுள்ளது. 

டெக்னோ ஃபேண்டம் V ஃபோல்டு சிறப்பம்சங்கள்:

மீடியாடெக் டிமென்சிட்டி 9000 பிளஸ் பிராசஸர் கொண்ட இந்தியாவின் முதல் மடிக்கக்கூடிய ஸ்மார்ட்போன் டெக்னோ ஃபேண்டம் V ஃபோல்டு ஆகும். 12 ஜிபி ரேம் 256 ஜிபி, 512 ஜிபி மெமரி கொண்டுள்ளது. ஆண்ட்ராய்டு 13 மற்றும் ஹைஒஎஸ் 13 ஃபோல்டு தொழில்நுட்பத்தில் தயாரிக்கப்பட்டுள்ளது.  டூயல் சிம் ஸ்லாட், 50MP பிரைமரி கேமரா, 13MP அல்ட்ரா வைடு கேமரா, 50MP டெலிபோட்டோ கேமரா, 32MP வெளிப்புற செல்ஃபி கேமரா, 16MP உள்புற செல்ஃபி கேமரா உள்ளிட்ட அம்சங்கள் உள்ளன. இன் டிஸ்ப்ளே கைரேகை சென்சார், யுஎஸ்பி டைப் சி ஆடியோ, ஸ்டீரியோ ஸ்பீக்கர்கள் 5ஜி, டூயல் 4ஜி வோல்ட்இ, வைபை 6, ப்ளூடூத், 5.3 யுஎஸ்பி டைப் சி உள்ளிட்ட வசதிகள் உள்ளன. இதேபோல்  5000 எம்ஏஹெச் பேட்டரி கொண்ட இந்த ஸ்மார்ட்போனிற்கு 45 வாட் ஃபாஸ்ட் சார்ஜிங்  வசதி வழங்கபட்டுள்ளது.