நாகையில் இந்திய கம்யூனிஸ்ட் கட்சி வேட்பாளர் வை.செல்வராஜ் வெற்றி!!
Jun 4, 2024, 16:00 IST
மக்களவைத் தேர்தலில் நாகப்பட்டினம் தொகுதியில் இந்திய கம்யூனிஸ்ட் கட்சி சார்பில், திருவாரூர் மாவட்ட செயலாளர் வை.செல்வராஜ் களமிறக்கப்பட்டார்.
அதிமுக சார்பில் சுர்ஜித் சங்கர், பாஜக சார்பில் எஸ்.ஜி.எம்.ரமேஷ், நாம் தமிழர் கட்சி சார்பில் கார்த்திகா மற்றும் 5 சுயேச்சை வேட்பாளர்கள் என 9 வேட்பாளர்கள் போட்டியிட்டனர். இந்த தேர்தலில் 9,67,694 (71.94%) வாக்குகள் பதிவாகி இருந்தன.
இந்நிலையில் மக்களவை தேர்தலில் பதிவான எண்ணிக்கை இன்று காலை முதல் எண்ணப்பட்டு வருகின்றன. அந்த வகையில் நாகை தொகுதியில் தொடர்ந்து முன்னிலை வகித்து வந்த கம்யூனிஸ்ட் வேட்பாளர் வை.செல்வராஜ் தற்போது வெற்றி பெற்றுள்ளார்.