அதிமுகதான் ஜனநாயகக் கட்சி, திமுக வாரிசுக் கட்சி - எடப்பாடி பழனிசாமி பேச்சு

அதிமுகதான் ஜனநாயகக் கட்சி, திமுக வாரிசுக் கட்சி என அதிமுக பொதுச்செயலாளர் எடப்பாடி பழனிசாம் தெரிவித்துள்ளார். 

நாமக்கல் மாவட்ட தகவல் தொழில்நுட்பப் பிரிவின் பூத் கமிட்டி கூட்டத்தில் அதிமுக பொதுச்செயலாளரும், எதிர்க்கட்சி தலைவருமான எடப்பாடி பழனிசாமி கலந்துகொண்டார். இந்த கூட்டத்தில் உரையாற்றிய எடப்பாடி பழனிசாமி, சாதனைகளை வலைதளம் வாயிலாக கொண்டு சேர்ப்பது ஐ.டி.விங்கின் கடமை. நமது சாதனைகளை வலைதளம் வாயிலாக கொண்டு சேர்ப்பது உங்கள் (ஐ.டி.விங்) கடமை. அதிமுக குறித்து தவறான தகவலை பரப்புபவர்களுக்கு மரணஅடி கொடுக்கும் விதமாக அதிமுக ஐ.டி.விங் நிர்வாகிகள் செயல்பட வேண்டும்.

இன்றைய ஆட்சியாளர்கள் பணத்தை நம்பி உள்ளார்கள், பணம் கொடுத்து வெற்றி பெறலாம் என்ற பகல் கனவில் உள்ளார்கள். நாம் மக்களை நம்பி உள்ளோம். 
அதிமுகதான் ஜனநாயகக் கட்சி. திமுக வாரிசுக் கட்சி.  கிளைச்செயலாளர், பொதுச்செயலாளர் ஆவது அதிமுகவில்தான் சாத்தியம் என கூறினார்.