புதிய உச்சத்தில் தங்கம் விலை....அதிர்ச்சியில் இல்லத்தரசிகள்!

சென்னையில் இன்று ஆபரண தங்கத்தின் விலை சவரனுக்கு ரூ.520 உயர்ந்து, ஒரு சவரன் ரூ.59,520க்கு விற்பனை செய்யப்பட்டு வருகிறது. 

சர்வதேச பொருளாதார நிலை மற்றும் டாலருக்கு நிகரான இந்திய ரூபாயின் மதிப்பு உள்ளிட்ட காரணங்களால் சென்னையில் தங்கம் விலையில் மாற்றம் ஏற்படுகிறது. கடந்த சில நாட்களாக தங்கம் விலை தொடர்ந்து உயர்ந்துகொண்டே போவதால் இல்லத்தரசிகள் கவலையில் உள்ளனர். சென்னையில் நேற்று ஆபரண தங்கத்தின் விலை புதிய உச்சத்தை தொட்டது. அதாவது சவரனுக்கு ரூ. 480 அதிகரித்து ஒரு சவரன் ரூ. 59,000 என்கிற புதிய உச்சத்தை எட்டியது.  கடந்த 13 நாட்களில் தங்கம் விலை சவரனுக்கு ரூ. 2000 ரூபாய்க்கு மேல் ஏற்றம் கண்டிருக்கிறது. 

இந்த நிலையில், இன்று சென்னையில் தங்கம் விலை அதிரடியாக உயர்ந்துள்ளது. சென்னையில் இன்று ஆபரண தங்கத்தின் விலை சவரனுக்கு ரூ.520 உயர்ந்து, ஒரு சவரன் ரூ.59,520க்கு விற்பனை செய்யப்பட்டு வருகிறது. தங்கம் விலை கிராமுக்கு 65 ரூபாய் உயர்ந்து ஒரு கிராம் தங்கம் 7,440 ரூபாய்க்கு விற்பனை செய்யப்பட்டு வருகிறது. தொடர்ந்து தங்கம் விலை புதிய உச்சத்தை தொட்டு வருவது இல்லத்தரசிகளை கலக்கம் அடைய செய்துள்ளது.