தீபாவளி தினத்தன்றும் உயர்ந்த தங்கம் விலை!

சென்னையில் இன்று தங்கம் விலை சவரனுக்கு ரூ.120 உயர்ந்து 59 ஆயிரத்து 640க்கு விற்பனை செய்யப்பட்டு வருகிறது.

சர்வதேச பொருளாதார நிலை மற்றும் டாலருக்கு நிகரான இந்திய ரூபாயின் மதிப்பு உள்ளிட்ட காரணங்களால் சென்னையில் தங்கம் விலையில் மாற்றம் ஏற்படுகிறது. கடந்த சில நாட்களாக தங்கம் விலை தொடர்ந்து உயர்ந்துகொண்டே போவதால் இல்லத்தரசிகள் கவலையில் உள்ளனர். சென்னையில் நேற்று ஆபரண தங்கத்தின் விலை சவரனுக்கு ரூ.520 உயர்ந்து, ஒரு சவரன் ரூ.59,520க்கு விற்பனை செய்யப்பட்டது. தங்கம் விலை கிராமுக்கு 65 ரூபாய் உயர்ந்து ஒரு கிராம் தங்கம் 7,440 ரூபாய்க்கு விற்பனை செய்யப்பட்டது. 
 
இந்த நிலையில், தீபாவளி தினமான இன்றும் தங்கம் விலை உயர்ந்துள்ளது. சென்னையில் இன்று தங்கம் விலை சவரனுக்கு ரூ.120 உயர்ந்து 59 ஆயிரத்து 640க்கு விற்பனை செய்யப்பட்டு வருகிறது. தங்கம் விலை கிராமுக்கு ரூ.15 உயர்ந்து ரூ.7,455க்கு விற்பனை செய்யப்படுகிறது. அதே நேரத்தில் சென்னையில் வெள்ளி விலை மாற்றமின்றி கிராமுக்கு ரூ. 109க்கு விற்பனை செய்யப்படுகிறது. தொடர்ந்து தங்கம் விலை புதிய உச்சத்தை தொட்டு வருவது இல்லத்தரசிகளை கலக்கம் அடைய செய்துள்ளது.