காலை 10 மணி வரை 5 மாவட்டங்களில் மழைக்கு வாய்ப்பு.. 

தேனி, திண்டுக்கல், திருப்பூர், கோவை, நீலகிரி ஆகிய 5 மாவட்டங்களில் காலை 10 மணி வரை மிதமான மழைக்கு வாய்ப்புள்ளதாக சென்னை வானிலை ஆய்வு மையம் தகவல் தெரிவித்துள்ளது.  

தமிழகம் நோக்கி வீசும் மேற்குதிசைக் காற்றின் வேக மாறுபாடு காரணமாக, இன்றும், நாளையும் தமிழகத்தில் ஓரிரு இடங்களில் இடி, மின்னலுடன் கூடிய லேசானது முதல் மிதமான மழை பெய்யக்கூடும் என்றும்,  27 முதல் 31-ம் தேதி வரை தமிழகத்தில் ஓரிரு இடங்களில் லேசானது முதல் மிதமான மழை பெய்யக்கூடும் எனவும் வானிலை மையம் ஏற்கனவே அறிவித்திருந்தது. 

தொடர்ந்து 7  நாட்களுக்கு மழை நீடிக்கும் என்றும், சென்னை மற்றும் புறநகர் பகுதிகளில்  வானம் ஓரளவு மேகமூட்டத்துடன் காணப்படும் எனவும், நகரின் ஒரு சில பகுதிகளில் லேசானது முதல்  மிதமான மழை பெய்யக்கூடும் என்றும்  அறிவிக்கப்பட்டிருந்தது. இந்த நிலையில் தற்போது  அடுத்த 3 மணி நேரத்திற்குள் அதாவது காலை 10 மணி வரை தமிழகத்தில் 5  மாவட்டங்களில் லேசான மழை பெய்யக்கூடும் என்று வானிலை தெரிவித்திருக்கிறது.  அதன்படி, தேனி, திண்டுக்கல், திருப்பூர், கோவை, நீலகிரி ஆகிய மாவட்டங்களில் லேசான மழை பெய்ய வாய்ப்புள்ளதாக தெரிவிக்கப்பட்டுள்ளது.