தொழில் முதலீடுகள் செய்ய சிறந்த இடம் தமிழ்நாடு தான்- செயின்ட் கோபேன் சிஇஓ பாராட்டு

சென்னையில் இன்று நடைபெற்ற தமிழ்நாடு முதலீட்டாளர்கள் மாநாடு -2024ல் செயின்ட் கோபேன் நிறுவனத்தின் சிஇஓ சந்தானம் பங்கேற்றார்.

நிகழ்ச்சியில் பேசிய செயின்ட் கோபேன் நிறுவனத்தின் சிஇஓ சந்தானம், “தெற்கு ஆசியாவிலேயே தமிழ்நாடு முதலீடு செய்ய சிறந்த இடம். தமிழ்நாட்டில் இருப்பவர்களை போல மிகவும் திறமையான மற்றும் பொறுப்பானவர்களை வேறு எங்கும் பார்க்க முடியாது. மேம்பட்ட கல்வித்தரம் மற்றும் திறன்மிக்கவர்கள் தமிழ்நாட்டில் இருக்கிறார்கள். நிலையான ஆற்றலை பயன்படுத்தி தயாரிப்பை மேற்கொள்ள வேண்டும் எனறால் நீங்கள் தமிழ்நாட்டிற்கு தான் வர வேண்டும். முதலீடு செய்வதற்கான வழிமுறைகள் தமிழ்நாட்டில் தான் அதிக வெளிப்படைத் தன்மையுடன் உள்ளன.

முதலீட்டாளர்களை தங்களது கூட்டாளிகளாகப் பார்ப்பது, ஒவ்வொரு பிரச்சினைக்கும் தீர்வு காண அரசு எடுக்கும் முனைப்பு உள்ளிட்ட விசயங்கள் தமிழ்நாட்டை முதலீடு செய்ய முன்னணி மாநிலமாக நிலை நிறுத்தியுள்ளன. தமிழ்நாட்டில் தொழில் தொடங்குவது மிக எளிமையாக உள்ளது. முதலீடு செய்வதற்கான வழிமுறைகள், அதிக வெளிப்படைத் தன்மையுடன் இருக்கின்றன. தமிழ்நாடு அரசு, முதலீட்டாளர்களை தங்களது நண்பர்கள் போல் பார்க்கிறது. ஒவ்வொரு பிரச்னைக்கும் தீர்வு காண இந்த அரசு எடுக்கும் முயற்சிகள், முதலீடு செய்ய முன்னணி மாநிலமாக நிலை நிறுத்தியுள்ளன” என்றார்.