சிறையில் சவுக்கு சங்கர் உயிருக்கு ஆபத்து! வழக்கறிஞர் பரபரப்பு பேட்டி
Updated: May 7, 2024, 22:14 IST
சிறையில் சவுக்கு சங்கரை 10-க்கும் மேற்பட்ட காவலர்கள் சராமரியாக தாக்கியுள்ளதாக குற்றச்சாட்டு எழுந்துள்ளது.
யூ டியூபர் சவுக்கு சங்கர் பெண் காவல்துறை அதிகாரிகள் குறித்தும் , காவலர்கள் குறித்தும் அவதூறாக கருத்தை தெரிவித்த காரணத்தினால் கோவை சைபர் கிரைம் போலீசாரால் வழக்கு பதிவு செய்யப்பட்டு சில தினங்களுக்கு முன்பு கைது செய்யப்பட்டார் . தேனி விடுதி ஒன்றில் தங்கியிருந்த சவுக்கு சங்கரை போலீசார் அதிரடியாக கைது செய்து , கோவை அழைத்து வந்தனர். கோவை நீதிமன்றத்தில் நீதிபதி முன்பு ஆஜர்படுத்தப்பட்ட அவருக்கு வருகிற 17-ஆம் தேதி வரை நீதிமன்ற காவல் விதிக்கப்பட்டுள்ளது. இதைத்தொடர்ந்து கோவை சிறையில் சவுக்கு சங்கர் அடைக்கப்பட்டுள்ளார். இதனிடையே சவுக்கு சங்கரை 5 போலீஸ் காவலில் எடுத்து விசாரிக்க சைபர் கிரைம் போலீசார் மனுத்தாக்கல் செய்துள்ளனர்.