சிவகங்கை மாவட்டத்தில் பள்ளிகளுக்கு விடுமுறையா? - ஆட்சியர் அதிரடி அறிவிப்பு

சிவகங்கை மாவட்டத்தில் தொடர்ந்து மழை பெய்து வருவதால் விடுமுறை அளிப்பது தொடர்பாக அந்தந்த பள்ளி தலைமையாசிரியர்கள் முடிவு செய்யலாம் என மாவட்ட நிர்வாகம் அறிவித்துள்ளது. 

தென்மேற்கு வங்கக்கடல் மற்றும் மன்னார் வளைகுடா பகுதிகளின் மேல் வளிமண்டல கீழடுக்கு சுழற்சி நிலவுவதால் அடுத்த 7 நாட்களுக்கு தமிழகத்தில் மழை பெய்யக்கூடும் என வானிலை ஆய்வு மையம் தெரிவித்துள்ளது. இதன் காரணமாக இன்று தென்தமிழகத்தில் அநேக இடங்களிலும், வடதமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும், இடி, மின்னலுடன் கூடிய லேசானது முதல் மிதமான மழை பெய்யக்கூடும் எனவும்,  கன்னியாகுமரி, திருநெல்வேலி, தென்காசி, விருதுநகர், மதுரை, சிவகங்கை, தூத்துக்குடி, இராமநாதபுரம், புதுக்கோட்டை, தஞ்சாவூர், திருவாரூர், நாகப்பட்டினம், மயிலாடுதுறை மாவட்டங்களி கனமழை பெய்ய வாய்ப்புள்ளதாகவும் சென்னை வானிலை ஆய்வு மையம் தெரிவித்து இருந்தது. 

இந்த நிலையில், வளிமண்டல கீழடுக்கு சுழற்சி காரணமாக சிவகங்கையின் பல்வேறு பகுதிகளிலும் கனமழை பெய்து வருகிறது. ஆனால் பள்ளி, கல்லூரிகளுக்கு விடுமுறை தொடர்பாக எந்த அறிவிப்பும் வெளியாகவில்லை. இந்த நிலையில், சிவகங்கை மாவட்டத்தில் தொடர்ந்து மழை பெய்து வருவதால் விடுமுறை அளிப்பது தொடர்பாக அந்தந்த பள்ளி தலைமையாசிரியர்கள் முடிவு செய்யலாம் என மாவட்ட நிர்வாகம் அறிவித்துள்ளது.