விஜயகாந்த் பிறந்தநாளையொட்டி சிலை சிறப்பு

தேசிய முற்போக்கு திராவிட கழக நிறுவனரும், தமிழக சட்டமன்ற முன்னாள் எதிர்க்கட்சி தலைவருமான மறைந்த அன்பு சகோதரர் பத்மபூஷன் விஜயகாந்த் அவர்களின் 72வது பிறந்தநாள் இன்று கொண்டாடப்படுகிறது.

இதனையொட்டி தேமுதிக நிறுவன தலைவர் மறைந்த விஜயகாந்த் நினைவிடத்தில் தேமுதிக பொதுச்செயலாளர் பிரேமலதா மரியாதை செலுத்தினார். மேலும் தேமுதிக தலைமை அலுவலகத்தில் விஜயகாந்த் சிலை திறக்கப்பட்டுள்ளது. தேமுதிக சார்பில் வறுமை ஒழிப்பு தினமாக விஜயகாந்த் பிறந்தநாள் கொண்டாட்டம் என்றும் தேமுதிக பொதுச்செயலாளர் பிரேமலதா அறிவித்துள்ளார்.  முன்னதாக விஜயகாந்தின் உருவச் சிலையை கட்டி அணைத்து பிரேமலதா விஜயகாந்த் அழுதார்.

தொடர்ந்து செய்தியாளர்களிடம் பேசிய பிரேமலதா விஜயகாந்த், “இன்று முதல் தேமுதிக தலைமை அலுவலகத்தின் பெயர் கேப்டன் ஆலயம் என அழைக்கப்படும். புதிதாக யூ டியூப் சேனல் ஒன்றும் தொடங்கப்பட உள்ளது, பெண் தலைவர்களுக்கு பாதுகாப்பை விலக்கிவிட்டார்கள். பாதுகாப்பு எதற்காக திரும்பப் பெறப்பட்டது என்பது தெரியவில்லை. தலைவர்களுக்கே பாதுகாப்பு இல்லாத சூழல் தமிழ்நாட்டில் நிலவி வருகிறது. பாதுகாப்பை எதிர்பார்த்து நாங்கள் இல்லை, ஆனால் பாதுகாப்பு வழங்குவது அரசின் கடமை. இருந்தாலும் மறைந்தாலும் மக்களுக்காக செய்பவர்.. அவர் பிறந்தநாளில் 25 லட்சம் பேருக்கு அன்னதானம் வழங்கப்பட்டது” என்றார்.