பாலியல் துன்புறுத்தல்கள் குறித்து பெண்கள் கட்டாயம் பேச வேண்டும்  -  குஷ்பு.. 

பாலியல் துன்புறுத்தல்கள் குறித்து பெண்கள் கட்டாயம் பேச வேண்டும் எனவும், பாதிக்கப்பட்ட பெண்களுக்கு எப்போதும் துணையாக இருப்பேன் என்றும் நடிகை குஷ்பு தெரிவித்துள்ளார்.  

இதுகுறித்து ட்விட்டரில் பதிவிட்டுள்ள அவர், “எங்கள் துறையில் நிலவும்  MeTooவின்  இந்த தருணம் வருத்தமளிக்கிறது. உறுதியாக நின்று வெற்றி பெற்ற பெண்களுக்கு பாராட்டுக்கள்.  இந்த துஷ்பிரயோகத்தை முறியடிக்க   ஹேமா கமிட்டி மிகவும் தேவைப்பட்டது. ஆனால் இதனை முழுமையாக செய்யுமா?

துஷ்பிரயோகம், பாலியல் ஒத்துழைப்பு கேட்பது மற்றும் பெண்கள் காலூன்றவோ அல்லது தங்கள் வாழ்க்கையை விரைவுபடுத்தவோ சமரசம் செய்ய வேண்டும் என்று எதிர்பார்ப்பது எல்லாத் துறைகளிலும் உள்ளது. ஒரு பெண் மட்டும் ஏன் இந்த நிலைமை?  ஆண்களும் இந்த பிரச்சனையை எதிர்கொண்டாலும், அதிகளவில் பெண்கள்தான் பாதிக்கப்படுகிறார்கள். 

இந்தப் பிரச்சினை தொடர்பாக எனது 24 வயது மற்றும் 21 வயது மகள்களுடன் நீண்ட நேரம் உரையாடினேன். அவர்கள் பாதிக்கப்பட்டவர்களின் நிலையை புரிந்துகொண்டு, அவர்களுக்கு உறுதியாக ஆதரவளித்து இந்த நேரத்தில் அவர்களுடன் நிற்கிறார்கள். இன்று பேசுகிறீர்களோ? நாளை பேசுகிறீர்களோ  என்பது முக்கியமல்ல, பேசுங்கள் அதுதான் முக்கியம். உடனடியாக பேசுவது அதிலிருந்து உங்களை மீட்டு,  திறம்பட விசாரணை செய்யவும் உதவும்.

 

அவமானப்படுமோ என்ற பயம், பாதிக்கப்பட்டவரை குற்றம் சாட்டுதல் மற்றும் "ஏன் இப்படி செய்தாய்?" அல்லது "உன்னை எது இப்படி செய்ய வைத்தது?" போன்ற கேள்விகள் மேலும் அவர்களை காயப்படுத்தும். பாதிக்கப்பட்டவர் உங்களுக்கு அல்லது எனக்கு அந்நியராக இருக்கலாம், ஆனால் அவர்களுடைய பிரச்சனைகளை காது கொடுத்து கேட்க  உணர்ச்சிபூர்வமான ஆதரவு தேவை.  ஏன் இதை முன்பே சொல்லவில்லை என்று கேட்பதற்கு முன்பாக அவளுடைய சூழ்நிலைகளை நாம் கருத்தில் கொள்ள வேண்டும் - அனைவருக்கும் பேசுவதற்கு  சரியான சூழல் அமைந்துவிடுவதில்லை. 

ஒரு பெண்ணாகவும், தாயாகவும், இத்தகைய வன்முறையால் ஏற்பட்ட காயங்கள் சதையில் மட்டுமல்ல, ஆன்மாவிலும் ஆழமாக வெட்டப்படுகின்றன. இந்தக் கொடூரச் செயல்கள் நமது நம்பிக்கை, அன்பு, வலிமை ஆகியவற்றின் அடித்தளத்தையே உலுக்குகின்றன. ஒவ்வொரு தாய்க்கும் பின்னால், தன் பிள்ளைகளை வளர்ப்பதற்கும் பாதுகாப்பதற்கும் ஒரு அவசியம் இருக்கிறது. அதன்  புனிதம் சிதைந்தால், அது நம் அனைவரையும் பாதிக்கிறது. 

என் தந்தையின் பாலியல் துன்புறுத்தல் குறித்து பேச இவ்வளவு தாமதம்  எடுத்தது ஏன் என  சிலர் என்னிடம் கேட்கிறார்கள். நான் முன்பே பேசியிருக்க வேண்டும் என்று ஒப்புக்கொள்கிறேன். என் கெரியரில் வளர்வதற்கான நாம் அமைதியாக இருக்கவில்லை.  நான் விழுந்தால் என்னை தாங்கிப் பிடிக்கும் என்று நம்பிய  நபரின் வலிமையான கரங்களாலே  நான் துஷ்பிரயோகம் செய்யப்பட்டேன் என்பது தான் காரணம்.  

 அனைத்து ஆண்களிடமும், பாதிக்கப்பட்டவருக்கு ஆதரவாக நிற்க வேண்டும் என்றும்,  உங்கள் அசைக்க முடியாத ஆதரவைக்  கொடுக்க வேண்டும் என்றும் நான் உங்களைக் கேட்டுக்கொள்கிறேன். ஒவ்வொரு ஆணும் நம்பமுடியாத வலியையும் தியாகத்தையும் தாங்கிய ஒரு பெண்ணுக்கு பிறந்தவர்கள் தான்.  பல பெண்கள் உங்கள் வளர்ப்பில் இன்றியமையாத பாத்திரங்களை வகிக்கிறார்கள், உங்கள் தாய்மார்கள், சகோதரிகள், அத்தைகள், ஆசிரியர்கள் மற்றும் நண்பர்கள் என இன்று நீங்கள் இருக்கும் நபராக உங்களை வடிவமைத்திருக்கிறார்கள். 

உங்கள் ஒற்றுமை நம்பிக்கையின் கலங்கரை விளக்கமாக இருக்கலாம், நீதியும் கருணையும் வெல்லும். எங்களுடன் நிற்கவும், எங்களைப் பாதுகாக்கவும், உங்களுக்கு வாழ்க்கையையும் அன்பையும் வழங்கிய பெண்களை மதிக்கவும். வன்முறைக்கு எதிரான போராட்டத்தில் உங்கள் குரல் ஒலிக்கட்டும்,  ஒவ்வொரு பெண்ணுக்கும் தகுதியான மரியாதை மற்றும்  ஆதரவை  உங்கள் செயல்கள் பிரதிபலிக்கட்டும்.

நினைவில் கொள்ளுங்கள், நாம் ஒன்றாக வலுவாக இருக்கிறோம், ஒன்றாக இருந்தால் மட்டுமே இந்த காயங்களை சரிசெய்து பாதுகாப்பான, அதிக இரக்கமுள்ள உலகத்திற்கு வழி வகுக்க முடியும்.  பல பெண்களுக்கு அவர்களின் குடும்பத்தின் ஆதரவு கூட இல்லை என்பதை புரிந்துகொள்வோம். பல பெண்கள் சிறிய நகரங்களில் இருந்து நிறைய கனவுகளோடும், தாங்கள் விரும்பியதை சாதிக்க வேண்டும் என்று வருகிறார்கள்.  ஆனால் பெரும்பாலும் அவர்களின் கனவுகள் மொட்டுகளிலேயே   நசுக்கப்படுகின்றன.

இது அனைவருக்கும் ஒரு எச்சரிக்கையாக இருக்க வேண்டும். துன்புறுத்தல்கள் இத்துடன் நிறுத்தப்படட்டும். பெண்களே, வெளியே வந்து பேசுங்கள். நினைவில் கொள்ளுங்கள், வாழ்க்கையில் உங்களுக்கு எப்போதும் ஒரு தேர்வு இருக்கும். உங்கள் NO கண்டிப்பாக NO ஆகும். உங்கள் கண்ணியம் மற்றும் மரியாதையை ஒருபோதும் சரிசெய்யவோ அல்லது சமரசம் செய்யவோ வேண்டாம். எப்போதும்.  பாதிக்கப்பட்ட  அனைத்து பெண்களுடனும்  தாயாகவும் பெண்ணாகவும் நான் நிற்கிறேன்” என்று குறிப்பிட்டுள்ளார்.