• May
    26
    Sunday

Main Area

Main



ஸ்டாலின் என்ன 25 வயசு இளைஞனா? கறுத்துவிட்டேன் என சொல்வதற்கு... விளாசிய முதல்வர்

 CM Palanisamy
CM Palanisamy
Loading...

திமுக தலைவர் ஸ்டாலின், 25 வயது இளைஞர் போல செல்லும் இடங்களிலெல்லாம் நான் கறுத்துப்போய்விட்டேன், நான் கறுத்திப்போய்விட்டேன் என உளறிவருகிறார் என முதலமைச்சர் பழனிசாமி தெரிவித்துள்ளார். 

மதுரை வடபழஞ்சியில்  திருப்பரங்குன்றம் சட்டமன்ற தொகுதி அதிமுக வேட்பாளர் முனியாண்டியை ஆதரித்து, தமிழக முதல்வர் எடப்பாடி பழனிச்சாமி பரப்புரை மேற்கொண்டு வருகிறார். பரப்புரைக் கூட்டத்தில் பேசிய அவர், “ மதுரையில் பல திட்டங்களை செயல்படுத்தியும், தொழிற்சாலைகளை உருவாக்கியும் வருவது அதிமுக அரசே. இதன் மூலம் படித்த இளைஞர்களுக்கு நேரடியாகவும், மறைமுகமாகவும் வேலை வாய்ப்பினை உருவாக்கி தருகிறோம். 

இங்குள்ள கரடிக்கல் பகுதியில் விமானநிலையம் போலவே பஸ்போர்ட் அமைக்கப்படும்...  மதுரை தேனி நெடுஞ்சாலையில் விபத்தை தடுக்க 50 கோடி மதிப்பீட்டில் பாலங்கள் அமைக்கப்படும். பெண்களுக்காவும், ஏழை எளிய மக்கள் பயன்பெரும் வகையில் பலத் திட்டங்களை இந்த அரசு செய்து வருகின்றது. இந்தியாவிலேயே, 100 யூனிட் மின்சாரத்தை அனைவருக்கும்  இலவசமாக வழங்கியது அதிமுக அரசுதான்.  ஸ்டாலின் 25 வயது இளைஞர் போல,  செல்லும் இடங்களில் கறுத்து போய் விட்டேன் என்று கூறி வருகிறார், எம்.ஜி.ஆர் கூட அப்படி சொன்னது கிடையாது. நான் மம்பட்டி பிடித்து உழைத்து வந்தவன். வெயில், மழை என்று பாராமல் விவசாயம் பார்த்தவன். சொகுசு வாழ்க்கையிலிருந்து நான் வரவில்லை” எனக் கூறினார். 
 

2018 TopTamilNews. All rights reserved.