தொடர் மழையின் காரணமாக அருவியில் நீர்வரத்து அதிகரித்து உள்ளதால், கோவை குற்றாலம் தற்காலிகமாக மூடப்படுவதாக வனத்துறை அறிவித்து உள்ளது. கோவை மாவட்டத்தில் நேற்று காலை முதல் பரவலாக கனமழை பெய்து வருகிறது. இதனால் கோவை மாநகரின் பல்வேறு பகுதிகளில் சாலைகளில் மழைநீர் சூழ்ந்து கொண்டது. இதனால் சாலையில் சென்ற வாகன ஓட்டிகள் மற்றும் பொதுமக்கள் கடும் சிரமத்திற்கு உள்ளாகினர். இந்த நிலையில், கோவை மாவட்டத்தில் மேலும் 2 நாட்களுக்கு மழை பெய்யக்கூடும் என சென்னை வானிலை ஆய்வு மையம் தெரிவித்துள்ளது. 
இந்த நிலையில் தொடர் மழையின் காரணமாக கோவையில் முக்கிய சுற்றுலா தளமாக விளங்கும் கோவை குற்றலாத்தில் வழக்கத்தை விட நீர்வரத்து அதிகரித்துள்ளது. மேலும், 2 நாட்களுக்கு மழை தொடரும் என தெரிவிக்கப்பட்டு உள்ளதால் பொது மக்கள் நலன்கருதி கோவை குற்றாலம் தற்காலிகமாக மூடப்படுவதாக, கோவை மாவட்ட வனத்துறை அறிவித்து உள்ளது. இதனால் மழை குறைந்து நீர்வரத்து சீரான பிறகே கோவை குற்றாலம் திறக்கப்படும் என தகவல்கள் தெரிவிக்கின்றன.
இந்த நிலையில் தொடர் மழையின் காரணமாக கோவையில் முக்கிய சுற்றுலா தளமாக விளங்கும் கோவை குற்றலாத்தில் வழக்கத்தை விட நீர்வரத்து அதிகரித்துள்ளது. மேலும், 2 நாட்களுக்கு மழை தொடரும் என தெரிவிக்கப்பட்டு உள்ளதால் பொது மக்கள் நலன்கருதி கோவை குற்றாலம் தற்காலிகமாக மூடப்படுவதாக, கோவை மாவட்ட வனத்துறை அறிவித்து உள்ளது. இதனால் மழை குறைந்து நீர்வரத்து சீரான பிறகே கோவை குற்றாலம் திறக்கப்படும் என தகவல்கள் தெரிவிக்கின்றன.