திருப்பூர் மாவட்ட ஊர்க்காவல் படையில் வேலைவாய்ப்பு... டிச.19-க்குள் விண்ணப்பிக்க அறிவுறுத்தல்!

திருப்பூர் மாவட்ட ஊர்க்காவல் படையில் பணிபுரிய தகுதி வாய்ந்த ஆண், பெண் மற்றும் மூன்றாம் பாலினத்தவர் விண்ணப்பிக்கலாம் என அறிவிக்கப்பட்டு உள்ளது.                                                                                                                                                                                                                                                                                                                                                                                                                                                                                                                                                                                                                    இது தொடர்பாக மாவட்ட காவல்துறை வெளியிட்டு உள்ள செய்திக்குறிப்பில் கூறியிருப்பதாவது :- திருப்பூர் மாவட்டம் ஊர்க்காவல் படையில் துணை மண்டல தளபதி மற்றும் ஊர்க்காவல்படை ஆளிநர் பதவிகளுக்கு பணிநியமனம் செய்யப்பட உள்ளது. இப்பதவிக்கு விண்ணப்பிக்க விரும்பும் தகுதியுடைய நபர்கள் தங்களை பற்றிய விபரப்பட்டியலும் அனுபவம் பற்றிய விபரத்துடன் 19.12.2022 அன்று மாலை 5 மணிக்குள், திருப்பூர் மாவட்ட காவல் அலுவலகத்தில் விண்ணப்பிக்கலாம்.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                      கல்வி தகுதி : விண்ணப்பதாரர் 10ஆம் வகுப்பு தோல்வி அல்லது தேர்ச்சி பெற்றிருக்க வேண்டும். ஊர்க்காவல்படை ஆளிநர் பணிக்கு 18 வயது முதல் 50 வயதுக்குள் இருக்க வேண்டும். மண்டல தளபதி பணிக்கு 18 வயது முதல் 45 வயதுக்குள் இருக்க வேண்டும். ஆண், பெண் மற்றும் மூன்றாம் பாலினத்தவர்கள் விண்ணப்பிக்கலாம். அரசுப்பணியாளர்கள், அரசு உதவிபெறும் பள்ளி மற்றும் கல்லுரிகளில் பணிபுரிவோரும் விண்ணப்பிக்கலாம். திருப்பூர் மாவட்ட காவல் துறையின் கீழ் உள்ள காவல் நிலைய எல்லையில் குடியிருப்போர் மட்டும் விண்ணப்பிக்கலாம் என அதில் தெரிவிக்கப்பட்டு உள்ளது.