"இந்தியாவில் தேர்தலை சீர்குலைக்க சீனா முயற்சி" - மைக்ரோசாஃப்ட் நிறுவனம் அதிர்ச்சி தகவல்

செயற்கை நுண்ணறிவைப் பயன்படுத்தி, இந்தியாவில் தேர்தலை சீர்குலைக்க சீனா முயற்சிக்கும் என்று மைக்ரோசாஃப் நிறுவனம் ஆய்வு அறிக்கையில் எச்சரிக்கை விடுக்கப்பட்டுள்ளது.

செயற்கை நுண்ணறிவு மூலம் உருவாக்கப்பட்ட உள்ளடக்கத்தை பயன்படுத்தி, இந்தியா, அமெரிக்கா மற்றும் தென் கொரியாவில் நடைபெற உள்ள தேர்தல்களை சீர்குலைக்க சீனா தயாராகி வருவதாக மைக்ரோசாப்ட் எச்சரிக்கை விடுத்துள்ளது. தைவானின் ஜனாதிபதித் தேர்தலின் போது சீனா சோதனை ஓட்டத்தை நடத்தியதை அடுத்து, அதன் முடிவை பாதிக்க AIஐ பயன்படுத்தியதை அடுத்து இந்த எச்சரிக்கை வந்துள்ளது.உலகம் முழுவதும், ஐரோப்பிய யூனியனைத் தவிர, குறைந்தது 64 நாடுகள் தேசியத் தேர்தல்களை நடத்தும் என எதிர்பார்க்கப்படுகிறது. உலக மக்கள்தொகையில் 49 சதவீதத்தை இந்த நாடுகள் கூட்டாகக் கொண்டுள்ளன.

மைக்ரோசாப்டின் அச்சுறுத்தல் புலனாய்வுக் குழுவின் கூற்றுப்படி, சீன அரசின் ஆதரவு சைபர் குழுக்கள், வட கொரியாவின் ஈடுபாட்டுடன், 2024 இல் திட்டமிடப்பட்டுள்ள பல தேர்தல்களை இலக்காகக் கொண்டிருப்பதாக எதிர்பார்க்கப்படுகிறது. பொதுமக்களின் கருத்தைத் திசைதிருப்ப சமூக ஊடகங்கள் வழியாக AI-உருவாக்கிய உள்ளடக்கத்தை சீனா பயன்படுத்தக்கூடும் என்று மைக்ரோசாப்ட் கூறியுள்ளது. "இந்த ஆண்டு உலகெங்கிலும், குறிப்பாக இந்தியா, தென் கொரியா மற்றும் அமெரிக்காவில் நடைபெறும் முக்கிய தேர்தல்களில், சீனா தனது நலன்களுக்கு பயனளிக்கும் வகையில் AI-உருவாக்கப்பட்ட உள்ளடக்கத்தை உருவாக்கி, மேம்படுத்தும் என்றும்  மைக்ரோசாப்ட் தனது அறிக்கையில் தெரிவித்துள்ளது.