இந்தியாவின் பிரபல பாடகியான அல்கா யாக்னிக் தனக்கு அரிதான செவித்திறன் குறைபாடு பிரச்சனை ஏற்பட்டுள்ளதாக தெரிவித்துள்ளார்.
பிரபல பின்னணி பாடகியான அல்கா யாக்னிக் இந்திய மொழிகள் பலவற்றில் பாடியுள்ளார். . 58 வயதான இவர் 1000ற்கும் மேற்பட்ட திரைப்படங்களில் சுமார் 9000 மேற்பட்ட பாடல்களை பாடி உள்ளார். இவர் இரண்டு முறை தேசிய விருதுகளை வென்றவர். கடந்த 2022 ஆம் ஆண்டில் 15.3 பில்லியன் youtube பார்வைகளை பெற்று கின்னஸ் உலக சாதனையில் உலகில் அதிகம் பேரால் கேட்கப்பட்ட பாடகர் என்று இவர் அங்கீகாரம் பெற்றுள்ளார்.
80, 90களில் மிகப் பிரபலமான ஏக் தோ தீன் , ஜோலிக்கே பீச்சே போன்ற பல பாடல்களை இவர் பாடி அசத்தியுள்ளார். தமிழில் ஓரம் போ உள்ளிட்ட சில படங்களில் இவர் பாடியுள்ளார். இந்த சூழலில் பாடகி அல்கா யாக்னிக் தனது சமூக வலைதள பக்கத்தில் , நான் சில வாரங்கள் முன்பு விமானத்திலிருந்து வெளியேறும் போது திடீரென்று என்னால் எதையும் கேட்க முடியவில்லை. சில வாரங்கள் கழித்து கொஞ்சம் தைரியம் வந்ததால் இப்போது இதை வெளியே சொல்கிறேன். எனக்கு வைரஸ் தாக்குதலால் செவிகளில் மிகவும் அரிதான உணர்திறன் நரம்பு பாதிக்கப்பட்டுள்ளது. இதனால் கேட்கும் திறன் பாதிக்கப்பட்டுள்ளது என்று மருத்துவர்கள் தெரிவித்துள்ளனர். தற்போது தான் சிகிச்சை எடுத்து வருகிறேன். எனக்காக நண்பர்கள் ரசிகர்கள் அனைவரும் பிராத்தித்து கொள்ளுங்கள் . உங்களுடைய ஹெட் ஃபோன்களில் இசையை மிக சத்தமாக வைத்து கேட்பதை தவிர்த்து எச்சரிக்கையுடன் இருங்கள். நான் என் வாழ்க்கையில் இருந்து மீண்டு வருவேன் என்று குறிப்பிட்டுள்ளார்.