மத்திய பட்ஜெட்... ஆண்டு வருமானம் ரூ.7 லட்சம் வரை பெறுவோருக்கு வருமான வரி கிடையாது

ஆண்டு வருமானம் ரூ.7 லட்சம் வரை பெறுவோருக்கு வருமான வரி கிடையாது என்று மத்திய நிதியமைச்சர் நிர்மலா சீதாராமன் தெரிவித்தார்.

மத்திய நிதியமைச்சர் நிர்மலா சீதாராமன் நாடாளுமன்றத்தில் 2023-24ம் நிதியாண்டுக்கான மத்திய பட்ஜெட்டை தாக்கல் செய்து உரையாற்றினார். பமத்திய பட்ஜெட்டின் முக்கிய அம்சங்கள்: ஆண்டு வருமானம் ரூ.7 லட்சம் வரை  உள்ளவர்களுக்கு வருமான வரி இல்லை. 
வருமான வரிக்கான உச்ச வரம்பு ரூ.2.5 லட்சத்தில் இருந்து ரூ.3 லட்சமாக உயர்வு.
வரும் ஆண்டில் ரூ.12.31 லட்சம் கோடி கடன் வாங்க இலக்கு.

புதிய வரி சலுகைகள் காரணமாக மத்திய அரசுக்கு கூடுதலாக ரூ.38 ஆயிரம் கோடி வருவாய் இழப்பு ஏற்படும்.
தங்கம்,  வெள்ளி, வைரம் மீதான சுங்க வரி அதிகரிப்பு
கூடுதல் வரி விதிப்பு காரணமாக மத்திய அரசுக்கு ரூ.3 ஆயிரம் கோடி கிடைக்கும்.
வெளிநாடுகளில் இருந்து இறக்குமதி செய்யப்படும் சிகரெட் மீதான சுங்க வரி அதிகரிப்பு.
ஆன்லைன் பணப்பரிமாற்ற உச்சவரம்பு ரூ.9 லட்சமாக அதிகரிப்பு