• May
    23
    Thursday

Main Area

Main



பிள்ளைகளுக்கு சாதாரண போன் வாங்கி கொடுங்கள்: நடிகர் விவேக் அறிவுரை!

நடிகர் விவேக்
நடிகர் விவேக்
Loading...

சென்னை: பெற்றோர் தங்கள் பிள்ளைகளுக்குச் சாதாரண போன் கொடுத்தால் போதும் என நடிகர் விவேக் வேண்டுகோள் விடுத்துள்ளார்.

இன்றைய இளைய தலைமுறையினர் தொழில்நுட்பங்களை மிக எளிதாகக் கையாளுகின்றனர்.தற்போதுள்ள சூழலில் ஸ்மாட்போன் இல்லாத நபர்களின் எண்ணிக்கை மிக குறைவாகவே காணப்படுகிறது. ஸ்மாட்போன் பயன்பாடுகள் எண்ணிக்கை அதிகரிப்பது போலவே அதனால் ஏற்படும் ஆபத்துக்களும் நாளுக்கு நாள் அதிகரித்து கொண்டே செல்கிறது. பெரும்பாலான குற்றச்சம்பவங்கள் இணையம் வாயிலாகத் தான் நடைபெற்று வருகிறது. குறிப்பாக அண்மையில் நடந்த பொள்ளாச்சி பாலியல் வன்கொடுமை வழக்குக்குக் கூட, பேஸ்புக் ஒரு முக்கிய காரணியாகப் பயன்படுத்தப்பட்டுள்ளது. 

இந்நிலையில் செல்போன் பயன்பாடு குறித்து நடிகர் விவேக் தனது  டிவிட்டர் பக்கத்தில் கருத்து  ஒன்றை பதிவிட்டுள்ளார். அதில், ' மாணவர்களுக்குப் பெற்றோர் வாங்கி தரும் ஸ்மார்ட் செல்போனில் உள்ள கேமரா மற்றும் நெட் வசதி ஆபத்தாக முடிகிறது என்றும் பெற்றோர் தங்கள் பிள்ளைகளுக்கு சாதாரண போன் வாங்கி கொடுத்தால் போதும்'என்று கேட்டு கொண்டுள்ளார். 

மற்றொமொரு பதிவில், ' ஜப்பானில் வாரம் இரு நாட்கள் internet fasting அமல்படுத்தப்பட்டுள்ளது. அந்த இரு நாட்களில் இளைய சமுதாயம், நெட் பக்கம் போகாமல் பெற்றோர், நண்பர்கள், விளையாட்டு, இயற்கை என்று இருக்க வேண்டுமாம்' என்று பதிவிட்டுள்ளார். 

தொழில்நுட்பங்களைத் தேவைக்கேற்ப பயன்படுத்துவதை விட்டுவிட்டு, தேவையற்ற செயல்களில் ஈடுபடுத்துவதே குற்றங்கள் அதிகரிக்கக் காரணம். அந்த வகையில், செல்போன் குறித்து நடிகர் விவேக் கூறியுள்ளதற்குப் பலரும் வரவேற்பு தெரிவித்துள்ளனர்.

2018 TopTamilNews. All rights reserved.