• July
    20
    Saturday

Main Area

Main



மேகேதாட்டு: மத்திய அரசிடம் கர்நாடகா விரிவான திட்ட அறிக்கை தாக்கல்

mekedatuDam
mekedatuDam
Loading...

பெங்களூரு: தமிழக அரசின் எதிர்ப்பையும் மீறி மேகேதாட்டு அணை கட்டுவது தொடர்பாக விரிவான திட்ட அறிக்கையை மத்திய அரசிடம் கர்நாடக அரசு தாக்கல் செய்துள்ளது.

கர்நாடக அரசு காவிரி ஆற்றின் குறுக்கே மேகேதாட்டு என்ற இடத்தில் புதிதாக அணைகள் கட்டுவதற்கான ஆரம்பகட்ட பணிகளை தொடங்கியுள்ளது. ஆனால், கர்நாடக அரசு அணைக்கட்டினால் தமிழகத்தில் உள்ள காவிரி டெல்டா பகுதிகளுக்கு தண்ணீர் கிடைக்காமல் வறண்டு போகும் சூழல் உருவாகும். எனவே, கர்நாடக அரசின் அணை கட்டும் முடிவுக்கு தமிழகம் முழுவதும் கடும் எதிர்ப்பு கிளம்பியுள்ளது.

இதனிடையே, மேகேதாட்டுவில் அணை கட்ட கர்நாடக அரசின் வரைவு திட்டத்திற்கு மத்திய அரசு அனுமதி அளித்துள்ளது. அத்துடன் அணை கட்டுவது தொடர்பாக விரிவான திட்ட அறிக்கையை தாக்கல் செய்யுமாறும் கர்நாடக அரசுக்கு மத்திய அரசு அறிவுறுத்தியிருந்தது. இதற்கு கடும் எதிர்ப்பு தெரிவித்துள்ள தமிழக அரசு, மேகேதாட்டுவில் அணை கட்ட கர்நாடக அரசுக்கு அனுமதி அளித்ததை எதிர்த்து உச்ச நீதிமன்றத்தில் வழக்கு தொடர்ந்துள்ளது.

இந்நிலையில், தமிழக அரசின் எதிர்ப்பையும் மீறி மேகேதாட்டு விரிவான அணை கட்டுவது தொடர்பாக விரிவான திட்ட அறிக்கையை மத்திய நீர்வளத்துறை ஆணையத்தில் கர்நாடக அரசு சமர்பித்துள்ளது.

2018 TopTamilNews. All rights reserved.