• July
    17
    Wednesday

Main Area

Main



பொங்கலுக்கு மாம்பழம் கொடுத்தவர் ஜெயலலிதா! - உளறிக்கொட்டும் அமைச்சர் சீனிவாசன்

Minister srinivasan
Minister srinivasan
Loading...

ஜெயலலிதா முதலமைச்சராக இருந்தபோது பொங்கலுக்கு பச்சரிசி, மாம்பழம் வழங்கி மக்களின் நலனை காத்தார் என வனத்துறை அமைச்சர் திண்டுக்கல் சீனிவாசன் தெரிவித்துள்ளார். 

மதுரை திருப்பரங்குன்றம் இடைத்தேர்தல் அதிமுக வேட்பாளர் முனியாண்டியை ஆதரித்து  அமைச்சர் திண்டுக்கல் சீனிவாசன் பரப்புரை மேற்கொண்டார். பரப்புரைக் கூட்டத்தில் பேசிய அவர்,   அம்மா மக்கள்  கழகம் இந்த தேர்தலில் டெபாசிட் இழந்துவிட்டால், கட்சியின் பதிவை ரத்து செய்துவிட்டு அரசியலைவிட்டே வெளியேற வேண்டும். அரசியல் ஆண்மை இருந்தால் அமமுகவினர் இந்த சவாலை ஏற்கவேண்டும். முன்னாள் முதலமைச்சர் ஜெயலலிதா,   பொங்கல் பரிசாக பச்சரிசி, மாம்பழம் போன்றவற்றை அளித்தார் எனக்கூறியதும் கூட்டத்தில் சிரிப்பலை எழுந்தது. அதன்பின் சுதாரித்துக்கொண்ட அமைச்சர், பச்சரிசி மற்றும் வெல்லம் கொடுத்தார் என மாற்றி பேசினார். 

தினகரனுக்கும் தமிழ் நாட்டிற்கும் என்ன சம்பந்தம் உள்ளது என கேள்வி எழுப்பிய அமைச்சர் திண்டுக்கல் சீனிவாசன், அவர் என்ன பாரம்பரிய அரசியல் குடும்பத்திலிருந்து வந்தவரா இல்லை சுதந்திரத்திற்காக போராடினவரா என விமர்சித்தார். மேலும் ஸ்டாலினை முதல்வராக்க டிடிவி தினகரன் வேலை செய்து கொண்டிருக்கிறார் என்றும் தெரிவித்தார். 
 

2018 TopTamilNews. All rights reserved.