தண்டவாளத்தில் ஓட்டக்கூடிய சைக்கிள்… ட்ராக் மேன்களுக்கு வரப்பிரசாதமான கருவி!
ட்ராக் மேன்கள் எப்பொழுதும் தண்டவாளங்களில் பராமரிப்பு வேலைகள் செய்யும் பணிகளில் ஈடுபட்டு வருவர். ரயில் நிலையத்திலிருந்து வேலை செய்யவேண்டிய இடம் எவ்வளவு தூரம் இருந்தாலும் அங்கு நடந்தே தான் செல்ல வேண்டும். ஏனெனில் இரயில்வே தண்டவாளத்தில் வாகனத்தில் செல்வது சாத்தியமில்லாத காரியம். எனவே அவர்களுக்கு உதவும் வகையில் ரயில் சைக்கிள் என்ற ஒரு புதிய கருவி கண்டுபிடிக்கப்பட்டுள்ளது.
நாம் சாதாரணமாக ஓட்டும் சைக்கிளில் சிறிது மாற்றங்கள் செய்து இந்த ரயில் பைசைக்கிள் உருவாக்கப்பட்டுள்ளது. இரும்புக் கம்பியினால் முன்பக்க சக்கரம் மற்றும் பக்கவாட்டில் ஒரு சக்கரம் பொருத்தப்பட்டுள்ளது. புதிதாக இணைக்கப்பட்ட இரும்பு சக்கரங்கள் ரயில்வே தண்டவாளங்களில் அப்படியே பொருந்துமாறு வடிவமைக்கப்பட்டுள்ளது.
அவசரமாக பழுதுபார்க்கும் பணி எதுவும் இருந்தால் இந்த ரயில் சைக்கிள்களை பயன்படுத்தி டிராகன்கள் குறிப்பிட்ட இடத்திற்கு சீக்கிரமே சென்றடைய முடியும். இதனால் நேரத்தை போதுமான அளவு மிச்சப்படுத்த முடியும் என்று தெரிவிக்கின்றனர். மேலும் இந்த ரயில் சைக்கிள் மூலம் ரயில்கள் டிராக்கில் செல்வதற்கு முன் தண்டவாளம் சரியாக இருக்கிறதா என்பதையும் சரி பார்த்துக் கொள்ளலாம்.
#Rail_Bicycle ????
நம்முடைய சாதாரண மிதிவண்டியை தண்டவாளத்தில் இயக்குவதற்கு ஏற்ப சில மாற்றங்கள் செய்யப்பட்டுள்ளது.
தண்டவாளம் பராமரிப்பு பணியாளர்கள்(Track Man)க்கு மிகவும் உதவிகரமானது.???? (அவசரகால பழுது நீக்கம், பராமரிப்பு, கண்காணிப்பு போன்றவிற்காக விரைவாக குறிப்பிட்ட இடத்திற்கு செல்ல) pic.twitter.com/HVHPL41Fyj— நிவா ???? (@theroyalindian) July 25, 2020
ஊரடங்கால் நாட்டின் அனைத்து ரயில்களும் முடக்கப்பட்ட நிலையில் ரயில்வே தண்டவாளங்கள் பராமரிப்பில்லாமல் காணப்படுகின்றது. எனவே ரயில்கள் இயங்கும் தடவாளங்களில் இந்த ரயில் சைக்கிள் கொண்டு ரயில் தடங்களைப் பரிசோதித்துக் கொள்ளலாம் என்றும் தெரிவிக்கப்படுகிறது. இந்த ரயில் சைக்கிள் வரவு ட்ராக் மேன்களுக்கு நிச்சயம் ஒரு வரப்பிரசாதமாக இருக்கும்.