• May
    26
    Sunday

Main Area

Main



குருவுக்கான பரிகாரங்கள்

guru remedies
guru remedies
Loading...

கிரகங்களுக்கு நிறம், ஜாதி, கிரக ரத்தினம், கிரக தான்யம், கிரக புஷ்பம் ,கிரக சமித்து, கிரக வாகனம், கிரக சுவை, கிரக உலோகம், கிரக அதிதேவதை, கிரக வஸ்திரம், கிரக ஷேத்திரம், இப்படி எல்லாமே நவக்கிரகங்களின் அம்சங்கள் என்ற தலைப்பில் பஞ்சாங்கங்களில் ஒரு பக்கத்தில் கொடுத்து இருப்பார்கள்.

guru

இது எதற்காக என்று நாம் சிந்தித்தோமானால் ,இவைகள் எல்லாம் பரிகாரங்களுக்காக. ஒருவருக்கு தனுசு, அல்லது மீனம் லக்னம் என்று வைத்துக்கொள்வோம். நடைமுறையில் அவருக்கு சுக்கிர தசை நடப்பில் உள்ளதாக வைத்துக்கொள்வோம்.

சுக்கிரன் தனுசு லக்னத்துக்கு ஆறுக்குடையவன். மீனத்துக்கு திருதீய, அட்டமாதிபதி. அதாவது 3,8 க்குடையவன்.இப்ப சுக்கிரன் தசை நடக்கும் போது கடன்,நோய், எதிரி,வம்பு, வழக்கு, பகை,தொல்லைகள் போன்றவைகள் கண்டிப்பாக இருக்கும்.

guru

இந்த சுக்கிரன் மஹாதசையை எதிர்கொள்ள வேண்டுமானால்,சமாளிக்க வேண்டுமானால்
லக்கனாதிபதியான குருபகவான் வலிமையாக இருக்க வேண்டும். உங்கள் எதிரியை காட்டிலும் நீங்கள் பலமாக இருந்தால் எதிரியை வெல்ல முடியும். லக்னம், லக்னாதிபதி உங்களை குறிக்கும்.

உங்களை காட்டிலும் உங்கள் எதிரி அதாவது சத்ரு வலிமையாக இருந்து விட்டால் உங்களால் விரோதியை வெல்ல முடியாது அல்லவா? ஆறாமாதி வலுத்து, லக்னாதிபதி வலுக்குறைந்தால் கடன் நோய், விரோதி,வம்பு வழக்கு, பகை போன்ற எதிர்மறை பலன்கள் கண்டிப்பாக இருக்கும். அதேபோல் அட்டமாதிபதி வலுத்து லக்னாதிபதி வலுக்குறைந்தால் கண்டங்கள் ஏற்படும். விபத்துக்களை அடிக்கடி சந்திப்பார்கள்.

guru

இப்ப தனுசு,மீனம் லக்னத்தாருக்கு சுக்கிரன் தசை நடக்கிறது. ஜோதிடரிடம் போறீங்க. அவர் சுக்கிரன் தசை நடக்கிறது சுக்கிரனுக்கு உரிய பரிகாரங்களை செய்து கொள்ளுங்கள் என்று சொல்வாரேயானால் உங்களுக்கு உங்கள் பிரச்னைகள் குறையாது.

தொல்லைகள் அதிகமாகும்.எதிர்மறை எண்ணங்கள் அதிகரிக்கும். உங்கள் பிரச்னைகள் துளியும் குறையாது.பரிகாரத்தால் சுக்கிரன் வலுத்து விடுவார். சுக்கிரன் வலுத்து கெடுப்பார்.மாறாக உங்கள் லக்னாதிபதியான குருவுக்கான பரிகாரங்களை செய்து கொள்ள வேண்டும். என்ன பரிகாரங்கள்.

guru

முதலில் குருவுக்கான நிறம் மஞ்சள். குருவுக்கு மஞ்சள் கலரில் பட்டு துணி எடுத்து சாற்றலாம்.மஞ்சள் கலரில் உள்ள மலர்களால் தொடுத்த மாலைகளை குருவுக்கு அணிவிக்கலாம்.குருவுக்கான அதிதேவதை தட்சிணாமூர்த்தி .இதே பரிகாரத்தை தட்சிணாமூர்த்திக்கும் செய்யலாம்.

குருபகவானுக்கு உரிய தான்யம் கொண்டை கடலை.அதாவது ஆயுதபூஜையன்று பொரி,கடலையோடு சுண்டலை நிவேதனம் செய்வோமே! அதுதான் கொண்டைக் கடலை. 
குருபகவான் அல்லது அதன் அதிதேவதையான தட்சிணாமூர்த்திக்கு சுண்டல்(கொண்டைக் கடலை)மாலை அணிவிக்கலாம்.

அடுத்து குருபகவானுக்கு பிடித்த சுவை தித்திப்பு. இவர் தித்திப்பு பிரியர். அதாவது இனிப்பு குருபகவானுக்கு ரொம்ப பிடிக்கும். தேன்,கல்கண்டு, மஞ்சள் கலரில் உள்ள லட்டு,கேசரி இவற்றை குருபகவானுக்கு அல்லது தட்சிணாமூர்த்திக்கு படைக்கலாம்.

 

guru


இனிப்பு பாயாசம், சர்க்கரை பொங்கல் நிவேதனம் செய்து பத்து பேருக்கு அன்னதானம் செய்து வரலாம். கூட ஐந்து வகையான கனிவர்க்கங்களை சேர்த்து கொள்ளலாம். இது வியாழக்கிழமை ,குரு ஹோரையில் செய்ய சிறப்பு.

குருவுக்கான ஷேத்ரமான ஆலங்குடி, திருச்செந்தூருக்கு ஆறுமாதத்துக்கு அல்லது, வருடத்துக்கு ஒருமுறை உங்கள் ஜென்ம நட்சத்திர நாளன்று சென்று அங்கு ஒரு இரண்டரை நாழிகை அதாவது ஒருமணிநேரம் அமர்ந்து விட்டு வரவேண்டும். இதுவே குருவை வலுப்படுத்தும் பரிகாரம் ஆகும். குருவை வலுப்படுத்தினால் உங்களை நீங்களே வலுப்படுத்தி கொண்டதற்கு சமம்.

அடுத்து குருவின் வாகனம் : 

இந்த உலகத்தில் பெரிசா இருக்கற எல்லாமே குரு. உருவத்தில் பெரியதாக உள்ள யானை, திமிங்கலம், உடல் உறுப்பில் தொடை, கல்லீரல் இவை குருபகவானை குறிக்கும். குருபகவானின் வாகனம் யானை.

white elephant


குருபகவானின் வாகனமான யானைக்கு வியாழக்கிழமை குரு ஹோரை வரக்கூடிய காலை ஆறு மணிக்கு மேல் ஏழு மணிக்குள் குருவின் வாகனமான யானைக்கு அதுக்கு என்ன ரொம்ப பிடிக்குமோ அதை உங்கள் கைகளால் வாங்கி கொடுக்க அதை யானை சாப்பிட்டால் உங்களுக்கு யானையின் ஜீவசக்தி கிடைக்க பெற்று உங்கள் பலம் கூடும்.

மறைந்த முதல்வர் ஜெயலலிதா குட்டியானையை குருவாயூர் கோவிலுக்கு தானம் கொடுத்தார். யானைகளுக்கு புத்துணர்வு முகாம்களை நடத்தினார். 

முன்னாள் முதல்வர் கருணாநிதியை போல நீங்கள் மஞ்சள் துண்டை எப்போதும் தோளில் போட்டு கொள்ளலாம். உங்கள் வீட்டை மஞ்சள் கலர் பெயின்ட் அடித்து கொள்ளலாம். மெத்தை விரிப்பு, போர்வை,சால்வை, உள்ளாடைகள் மஞ்சள் கலரில் அணிந்து கொள்ளலாம். உங்களை சுற்றி எல்லாவற்றையும் மஞ்சள் கலரில் மங்களகரமாக வைத்துக்கொள்ளுங்கள்.

கிரக ரத்தினம் என்ற தலைப்பில் குருவுக்கான ரத்தினம் கனக புஷ்பராகக்கல்.புஷ்பராகக்கல்லை குருவின் உலோகமான தங்கத்தில் பதித்து வலதுகை மோதிரவிரலில் அணிந்து கொள்ளலாம்.

guru

பொதுவாக ராசிக்கான ராசிக்கல்லை தேர்ந்தெடுத்து போடுவதைக் காட்டிலும் லக்னத்துக்கு தேர்ந்தெடுத்து போடுவது சிறப்பாகும். அதுமட்டுமின்றி லக்னாதிபதியின் ராசிக்கல்லை வாழ்க்கை முழுவதும் அணிந்து கொள்ளலாம். ராசிக்கு ராசிக்கல் அணியும் போது அவர் லக்னத்துக்கு பாவியாக,லக்னத்துக்கு நன்மை செய்யாதவராக அமைந்து விட வாய்ப்புகள் உள்ளது.

குழந்தை இல்லாதவர்கள் மேற்கண்ட பரிகாரங்களை செய்து கொள்வதோடு ஏழைக் குழந்தைகளுக்கு விளையாட்டு பொருட்கள் வாங்கி தரலாம். புத்தாடைகள் இனிப்புகள் வாங்கி தரலாம். குழந்தைகள் குருபகவான். அந்த குழந்தைகள் சந்தோசப்படும்போது குருபகவானும் மகிழ்ந்து உங்களுக்கு குழந்தை பாக்கியம் கிடைக்க அருள்புரிவார். இதையும் வியாழக்கிழமை குரு ஹோரையில் செய்யுங்கள்.

guru

ஜோதிடர்கள் சொந்த விருப்பு,வெறுப்பின்றி சகாதேவனை போல ஜோதிடம் சொல்ல வேண்டும். பரிகாரம் சொல்ல வேண்டும். தனக்கு ஆதாயம் கிடைக்கும் என்பதற்காக எல்லோரையும் தன்னுடைய இஷ்டதெய்வ கோவிலுக்கு செல்ல சொல்வது எப்படி சரியாகும். இது நியாயமாகுமா? தர்மம் தானா? ஜோதிடம் பார்க்க வர்றவங்களுக்கு நல்லது நடக்கணும்.அது ஒன்றே நமது குறிக்கோளாக இருக்க வேண்டும்.

சஹாதேவனிடம் துரியோதனன் யுத்தத்தில் வெற்றி பெற வேண்டும் என்று யுத்த களப்பலிகொடுக்க நல்ல நாள் குறித்து கொடுக்க சொன்னான். சஹாதேவன் வந்திருப்பது தன்னுடைய எதிரி என்று தெரிந்தும், தாங்கள் போரில் தோற்றுவிடுவோம் என்று தெரிந்தும் துரியோதனனுக்கு அமாவாசையில் நல்ல நாள் குறித்து கொடுத்தான். பின்னர் கிருஷ்ணப் பெருமானின் சூழ்ச்சியால் அமாவாசையை முதல்நாளுக்கு மாற்றினார் என்பது வேறு கதை.

 

2018 TopTamilNews. All rights reserved.