Main Area

Main

வழக்கத்திற்கு மாறாக தீபாவளி கொண்டாடிய சோனாலி பிந்த்ரே!

sonalibendre

நியூயார்க்: கேன்சரால் பாதிக்கப்பட்டுள்ள நடிகை சோனாலி பிந்த்ரே முதன்முறையாக மும்பையை தவிர்த்து நியூயார்க்கில் தீபாவளி கொண்டாடியுள்ளார்.

காதலர் தினம்’ படத்தின் மூலம் தமிழ் ரசிகர்களை கவர்ந்த நடிகை சோனாலி பிந்த்ரே பாலிவுட்டில் பல முன்னணி ஹீரோக்களுடன் நடித்துள்ளார். கடந்த 2004ம் ஆண்டு தயாரிப்பாளர் கோல்டி பெல்லை திருமணம் செய்துக் கொண்ட பிறகு நடிப்புக்கு முழுக்குப்போட்டார்.

இந்நிலையில், சமீபத்தில் இவர் கேன்சர் நோயால் பாதிக்கப்பட்டிருப்பது அறியப்பட்டு நியூயார்க் நகரில் கீமோ தெரப்பி செய்து வருகிறார். மெட்டாஸ்டேட்டிக் கேன்சரால் பாதிக்கப்பட்டிருப்பதை சமூக வலைத்தளங்களில் சோனாலி பகிர்ந்தது, அவரது ரசிகர்களை கடும் அதிர்ச்சியில் ஆழ்த்தியது. எனினும், அனைவரது பிரார்த்தனையுடனும், மன வலிமையுடனும் சிகிச்சை பெற்று வருகிறார்.

இந்நிலையில் முதன்முறையாக மும்பையில் தனது வீட்டில் அல்லாமல் வெளிநாட்டில் தனது கணவர், மகனுடன் தீபாவளி பண்டிகையை கொண்டாடியுள்ளார். வழக்கத்துக்கு மாறாக இந்த தீபாவளி கொண்டாட்டம் உள்ளது. இந்திய பாரம்பரிய உடைகள் ஏதும் இல்லை, சிறிய பூஜை செய்து தீபாவளி கொண்டாடினோம். அனைவருக்கும் தீபாவளி வாழ்த்துக்கள்’ என பதிவிட்டுள்ளார்.

நியூயார்க்கில் கீமோதெராப்பி சிகிச்சை மேற்கொண்டு வரும் நடிகை சோனாலி பிந்த்ரே, கொடுமையான நோயால் அவதிப்பட்டு வந்தாலும், அவ்வப்போது தனது சமூக வலைத்தள பக்கங்களில் பாசிட்டிவான விஷயங்களை பகிர்ந்து வருகிறார்.

2018 TopTamilNews. All rights reserved.