உலககோப்பை தொடருக்கான அட்டவணை வெளியானது! அக்.15ல் இந்தியா-பாகிஸ்தான் மோதல்

50 ஓவர் உலகக்க்கோப்பை கிரிக்கெட் தொடருக்கான அட்டவணையை சர்வதேச கிரிக்கெட் கவுன்சில் வெளியிட்டுள்ளது. 

13-வது 50 ஓவர் (ஒருநாள்) உலக கோப்பை கிரிக்கெட் தொடர் வருகிற அக்டோபர் மாதம் 05ம் தேதி முதல் நவம்பர் மாதம் 19ம் தேதி வரை இந்தியாவில் நடைபெறவுள்ளது. இந்த தொடரில் மொத்தம் 10ம் அணிகள் பங்கேற்கவுள்ளன. இதில் ஐசிசி தரவரிசை பட்டியலில் முதல் 8 இடங்களை பிடித்த இந்தியா, ஆஸ்திரேலியா உள்ளிட்ட 8 அணிகள் நேரடியாக லீக் போட்டியில் விளையாடவுள்ளன. இலங்கை, மேற்கிந்திய தீவுகள் உள்ளிட்ட அணிகள் நேரடியாக தகுதி பெற முடியவில்லை. இதன் காரணமாக தகுதி சுற்றில் வெற்றி பெற்று லீக் போட்டிக்குள் நுழைய வேண்டும்.  எஞ்சிய 2 அணிகளை தேர்வு செய்வதற்கான உலக கோப்பை தகுதி சுற்று போட்டியில் மொத்தம் 10 அணிகள் பங்கேற்றுள்ளன. தகுதி சுற்று போட்டிகள் ஜிம்பாப்வேயில் நடைபெற்று வருகின்றன. 

இந்நிலையில்,  உலகக்க்கோப்பை கிரிக்கெட் தொடருக்கான அட்டவணையை சர்வதேச கிரிக்கெட் கவுன்சில் வெளியிட்டுள்ளது. முதல் போட்டி இங்கிலாந்து - நியூசிலாந்து அணிகளுக்கு இடையே, அக்டோபர் 5ம் தேதி நரேந்திர மோடி மைதானத்தில் நடைபெறவுள்ளது. இந்தியாவின் முதல் ஆட்டம், அக்டோபர் 8ம் தேதி ஆஸ்திரேலியாவுக்கு எதிராக சென்னை சேப்பாக்கம் மைதானத்தில்  நடைபெறவுள்ளது. இறுதிப்போட்டி நவம்பர் 19ம் தேதி நரேந்திர மோடி மைதானத்தில் நடைபெறவுள்ளது. ரசிகர்கள் பெரிதும் எதிர்ப்பார்த்த இந்தியா-பாகிஸ்தான் போட்டி அக்டோபர் 15ம் தேதி அகமதாபாத்தில் உள்ள நரேந்திர மோடி மைதானத்தில் நடைபெறவுள்ளது.