• July
    20
    Saturday

Main Area

Main



பொள்ளாச்சி பாலியல் வழக்கு சிபிஐ-க்கு மாற்றம்; தமிழக அரசு அரசானை

பொள்ளாச்சி பாலியல் வழக்கில் கைது செய்யப்பட்டுள்ளவர்கள்
பொள்ளாச்சி பாலியல் வழக்கில் கைது செய்யப்பட்டுள்ளவர்கள்
Loading...

சென்னை: பொள்ளாச்சி பாலியல் வன்கொடுமை வழக்கை சிபிஐ-க்கு மாற்றி தமிழக அரசு அரசானை பிறப்பித்துள்ளது.

பொள்ளாச்சியில் கடந்த ஏழு ஆண்டுகளாக 200-க்கும் மேற்பட்ட பள்ளி, கல்லூரி மாணவிகள் மற்றும் பெண்களை மயக்கி ஒரு கும்பல் பாலியல் வன்கொடுமை செய்து அதனை வீடியோவாக பதிவு செய்து அவர்களை மிரட்டி வந்துள்ள சம்பவம் தமிழகத்தையே அதிர்ச்சிக்குள்ளாக்கியுள்ளது.

இந்தச் சம்பவம் தொடர்பான வீடியோ காட்சிகளும் வெளியாகி நெஞ்சை பதைபதைக்க வைத்திருக்கிறது. இது தொடர்பாகத் திருநாவுக்கரசு, சதீஷ், வசந்தகுமார், சபரி ராஜன் ஆகியோர் கைது செய்யப்பட்டுள்ளனர்.

முதலில் தலைமறைவாக இருந்த திருநாவுக்கரசு, இந்த விவகாரத்தில் அரசியல் தொடர்புகள் உள்ளன. விரைவில் உண்மையைச் சொல்வேன் என வீடியோ வெளியிட்டது கூடுதல் அதிர்ச்சியை ஏற்படுத்தியது.

ஆளுங்கட்சியைச் சேர்ந்தவர்களுக்கு இந்த விவகாரத்தில் தொடர்பிருப்பதாகவும் கூறப்படுகிறது. இந்த வழக்கை விரைந்து முடிக்க வேண்டும். குற்றவாளிகள் யாராக இருந்தாலும் அவர்களுக்கு உரிய தண்டனை வழங்கப்பட வேண்டும் என எதிர்க்கட்சிகள் வலியுறுத்தி பல போராட்டங்களை நடத்தின. மாநிலம் முழுவதும் கல்லூரி மாணவர்கள், வழக்கறிஞர்கள், பெண்கள், பொதுமக்கள் என பல்வேறு தரப்பினரும் போராட்டங்களை முன்னெடுத்து  வருகின்றனர்.

இந்த விவகாரம் விஸ்வரூபம் எடுத்த நிலையில், வழக்கின் விசாரணையை சி.பி.சி.ஐ.டிக்கு மாற்றி தமிழக டி.ஜி.பி ராஜேந்திரன் உத்தரவிட்டார். பின்னர், இந்த வழக்கை சிபிஐ விசாரணைக்கு மாற்ற தமிழக அரசு முடிவெடுத்தது. அந்த வகையில், பொள்ளாச்சி பாலியல் வன்கொடுமை வழக்கை சிபிஐ-க்கு மாற்றி தமிழக அரசு அரசானை பிறப்பித்துள்ளது.

2018 TopTamilNews. All rights reserved.