ஓடை நீரில் மூழ்கி 3 குழந்தைகள் உயிரிழப்பு! திண்டிவனத்தில் சோகம்

திண்டிவனத்தை அடுத்த கோனேரிக்குப்பத்தில் ஓடையில் மூழ்கி 3 குழந்தைகள் உயிரிழந்தனர்.

விழுப்புரம் மாவட்டம் கோனேரிகுப்பம் கிராமத்தில் ஓடை நீரில் மூழ்கி 3 குழந்தைகள் பரிதாபமாக உயிரிழந்தனர். நாவல் பழம் பறிக்கச் சென்ற சஞ்சய் (10), சகோதரிகள் பிரியதர்ஷினி(10), சுபஸ்ரீ(8) ஆகியோர் ஓடையைக் கடந்து செல்ல முயன்றபோது நீரில் மூழ்கி உயிரிழந்தது அப்பகுதி மக்களிடையே சோகத்தை ஏற்படுத்தியுள்ளது.

குழந்தையின் உயிரிழப்புக்கு இரங்கல் தெரிவித்துள்ள பாமக தலைவர் அன்புமணி ராமதாஸ், “விழுப்புரம் மாவட்டம் திண்டிவனத்தை அடுத்த கோனேரிக்குப்பத்தில் நாவல் பழம் பறிக்கச் சென்ற  சஞ்சய், பிரியதர்ஷினி,  சுபஸ்ரீ ஆகிய 3 குழந்தைகள்  ஓடை நீரில் மூழ்கி உயிரிழந்தனர் என்ற செய்தியறிந்து பெரும் அதிர்ச்சியும், வேதனையும் அடைந்தேன்.  குழந்தைகளை இழந்து வாடும் அவர்களின் குடும்பங்களுக்கு எனது ஆழ்ந்த இரங்கலையும், அனுதாபங்களையும் தெரிவித்துக் கொள்கிறேன்” எனக் குறிப்பிட்டுள்ளார்.

.