மே 21-ஆம் தேதி குரூப் 2, குரூப் 2A தேர்வு - டிஎன்பிஎஸ்சி அறிவிப்பு!!

அரசு காலி பணியிடங்களுக்கு தமிழ்நாடு அரசு பணியாளர் தேர்வாணையம் தேர்வு நடத்தி அதன் மூலம் பணியாளர்கள் தேர்வு செய்யப்பட்டு வருகின்றனர் அந்தவகையில் டிஎன்பிஎஸ்சி தேர்வுகளுக்கான வருடாந்திர திட்டம் கடந்த நவம்பரில் வெளியிடப்பட்டது அதில் பிப்ரவரியில் குரூப் 2, குரூப் 2 ஏ தேர்வுக்கான அறிவிப்பு வெளியாகும் என்று டிஎன்பிஎஸ்சி தலைவர் பாலசந்திரன் தெரிவித்திருந்தார்.

இந்நிலையில்  தமிழ்நாடு அரசு பணியாளர் தேர்வாணையம் நடத்தும் குரூப் 2, குரூப் 2ஏ தேர்வுக்கான அறிவிப்பு இன்று வெளியாகியுள்ளது. 5,831 காலி பணியிடங்களுக்கான குரூப்-2, குரூப்-2ஏ தேர்வுகள் குறித்த அறிவிப்பை   தமிழ்நாடு அரசுப் பணியாளர் தேர்வு ஆணையம் தலைவர் பாலச்சந்திரன்  வெளியிட்டுள்ளார். அதில், தமிழ்நாடு அரசு பணியாளர் தேர்வாணையத்தின் குரூப் 2 குரூப் 2ஏ தேர்வுகள் மே.21ம் தேதி நடைபெறும். பிப்ரவரி 23 முதல் மார்ச் 23ஆம் தேதி விண்ணப்பிக்கலாம்.இத்தேர்வின் முடிவுகள் ஜூன் மாதம் வெளியிடப்படும் என்று அறிவித்துள்ளார்.

அத்துடன் குரூப்- 2 தேர்வில் 200 கேள்விகளுக்கு 300 மதிப்பெண்கள் , குரூப் 2 தேர்வில் 200 கேள்விகளில் 100 கேள்விகள் தமிழ்மொழி தகுதித் தேர்வாக இருக்கும். பொது அறிவியல் பாடத்திற்கு 75 மதிப்பெண்கள்,  நுண்ணறிவு கேள்விகளுக்கு 25 மதிப்பெண்கள் என்று விளக்கமளிக்கப்பட்டுள்ளது . குரூப் 2 நிலையில் 116 பணியிடங்களுக்கு தேர்வு நடைபெற உள்ளது,  குரூப்-2 ஏ நிலையில் 5413 பணியிடங்களுக்கு தேர்வு நடைபெற உள்ளது என்றும் டிஎன்பிஎஸ்சி தலைவர் பாலச்சந்திரன் அறிவித்துள்ளார். வருகிற 23-ஆம் தேதி குரூப் 2 ,குரூப் 2 ஏ  தேர்வுக்கான அட்டவணை வெளியிடப்படும் என்றும் தெரிவிக்கப்பட்டுள்ளது.