SIR படிவத்தில் உறவினர் பெயர் கட்டாயமில்லை - அர்ச்சனா பட்நாயக்

2002/2005 வாக்காளர் பட்டியலில் பெயரை கண்டறிய முடியாதவர்கள், பிற விவரங்களை நிரப்பி SIR படிவத்தை ஒப்படைக்கலாம் என அறிவிக்கப்பட்டுள்ளது.

2002/2005 வாக்காளர் பட்டியலில் தனது பெயரோ அல்லது உறவினரின் பெயரோ கண்டறிய முடியாதவர்கள், பிற விவரங்களை நிரப்பி SIR படிவத்தை ஒப்படைக்கலாம் என தலைமைத் தேர்தல் அதிகாரி அர்ச்சனா பட்நாயக் அறிவித்துள்ளார். மேலும் அப்படி ஒப்படைப்போரின் பெயர், வரைவு வாக்காளர் பட்டியலில் இடம்பெறும் என்றும் அவர் தெரிவித்துள்ளார். தெரிந்த விவரங்களை மட்டும் பூர்த்தி செய்து தந்தாலும் வாக்காளர் பட்டியலில் பெயர் இடம்பெறும். தமிழகத்தில் மொத்தமுள்ள 6.41 கோடி வாக்காளர்களில் 6.23 கோடி பேருக்கு படிவம் விநியோக்கப்பட்டுள்ளதாகவும் அர்ச்சனா பட்நாயக் தெரிவித்துள்ளார்.

அதேபோல் டிசம்பர் 4 ஆம் தேதிக்குள் SIR படிவங்களை சமர்பிக்காவிடில் வரைவு வாக்காளர் பட்டியலில் பெயர் இடம்பெறாது. 3 முறை வீடு தேடி சென்றும், படிவம் வழங்க முடியாத வாக்காளர்களின் பெயர்களும் பட்டியலில் இடம்பெறாது. 68,467 வாக்குச்சாவடி நிலை அலுவலர்களில் 2,488 அலுவலர்கள் 100% SIR பணிகளை முடித்துள்ளதாகவும், படிவங்கள் விநியோகம் சேகரிப்பு மற்றும் டிஜிட்டல் முறை உள்ளீடு செய்தல் உள்ளிட்ட பணிகள் முடிக்கப்பட்டுள்ளதாகவும் தமிழக தலைமை தேர்தல் அதிகாரி அர்ச்சனா பட்நாயக் தெரிவித்துள்ளார்.