பாஜக மாவட்ட தலைவர்கள் கூட்டம் அக்கட்சியின் மாநில தலைவர் அண்ணாமலை இல்லாமலேயே தொடங்கி நடைபெற்று வருகிறது.
தமிழக பாஜக தலைவர் அண்ணாமலை அதிமுக தலைவர்களை தொடர்ந்து விமர்சித்து வந்த நிலையில், இதன் எதிரொலியாக பாஜக-அதிமுக கூட்டணியில் பிளவு ஏற்பட்டடது. கடந்த சில நாட்களுக்கு முன்னர் நடைபெற்ற அதிமுக மாவட்ட செயலாளர்கள் கூட்டத்தில் பாஜக கூட்டணியில் இருந்து விலகுவது என தீர்மானம் நிறைவேற்றப்பட்டது. இனிமேல் ஒருபோதும் பாஜகவுடன் கூட்டணி வைக்கப்போவதில்லை எனவும் அதிமுக அறிவித்தது.. நாடாளுமன்றம் மட்டுமல்ல, சட்டமன்றத் தேர்தலிலும் பாஜகவுடன் கூட்டணி கிடையாது என அறிவித்தது. இந்த நிலையில், தமிழக பாஜக தலைவர் அண்ணாமலை டெல்லிக்கு புறப்பட்டு சென்றார். கூட்டணி முறிவு தொடர்பாக அவர் தேசிய தலைவர்களை சந்தித்து பேச்சுவார்த்தை நடத்தியதாக கூறப்படுகிறது.
இந்த நிலையில், பாஜக மாவட்ட தலைவர்கள் கூட்டம் தொடங்கி நடைபெற்று வருகிறது. தமிழக பாஜக தலைவர் அண்ணாமலை மாவட்ட தலைவர்கள் கூட்டத்தில் கலந்துகொள்ளவில்லை. இருப்பினும் பாஜக மாவட்ட தலைவர்கள் கூட்டம் அண்ணாமலை இல்லாமலேயே தொடங்கி நடைபெற்று வருகிறது. சென்னை அமைந்தகரையில் உள்ள தனியார் மண்டபத்தில் பாஜக மாவட்ட தலைவர்கள் கூட்டம் நடைபெற்று வருகிறது.