அண்ணாமலை தலைமையில் வருகிற 04ம் தேதி பாஜக மாவட்ட செயலாளர்கள் கூட்டம்

தமிழக பாஜக தலைவர் அண்ணாமலை தலைமையில் வருகிற 04ம் தேதி பாஜக மாவட்ட செயலாளர்கள் கூட்டம் நடைபெறுகிறது.

வருகிற ஜூலை 04ம் தேதி சென்னையில் உள்ள தமிழக பாஜக தலைமை அலுவலகமான கமலாலயத்தில், மாநில பாஜக தலைவர் அண்ணாமலை தலைமையில் மாவட்ட செயலாளர்கள் கூட்டம் நடைபெறுகிறது. தமிழக பாஜக தலைவர் அண்ணாமலை பாதயாத்திரை செல்லவுள்ள நிலையில், அது தொடர்பாக ஆலோசனை நடத்துகிறார். அண்ணாமலை 'என் மண்... என் மக்கள்' என்ற தலைப்பில் தமிழகம் முழுவதும் பாத யாத்திரை செல்கிறார். ராமேசுவரத்தில் வருகிற 28-ந்தேதி தொடங்கும் இந்த பாத யாத்திரையை மத்திய உள்துறை அமைச்சர் அமித்ஷா தொடங்கி வைக்கிறார். இதையொட்டி மாவட்ட தலைவர்களுடனான ஆலோசனை நடத்திகிறார்.   இந்த ஆலோசனை கூட்டத்துக்கு மாநில தலைவர் அண்ணாமலை தலைமை தாங்குகிறார். கூட்டத்தில் மாநில நிர்வாகிகளும் கலந்து கொள்கிறார்கள். இந்த கூட்டத்தில் பாத யாத்திரை செல்லும் வழித்தடங்கள், அந்த பகுதிகளில் செய்ய வேண்டிய ஏற்பாடுகள் பற்றி ஆலோசனை நடத்தப்படுகிறது. 

இதேபோல் மத்தியில் பாஜக அரசு பொறுப்பேற்று 9 ஆண்டுகள் நிறைவடைந்துள நிலையில், சாதனை விளக்க பொதுக்கூட்டங்கள் நடத்துவது தொடர்பாகவும் ஆலோசனை நடத்தப்படவுள்ளதாக கூறப்படுகிறது. கடந்த மாதம் மத்திய அரசின் 9 ஆண்டு சாதனை விளக்க நிகழ்ச்சிகள் அனைத்து மாவட்டங்களிலும் நடத்த அறிவுறுத்தப்பட்டிருந்தது.