இறங்கிய வேகத்தில் ஏறிய தங்கம் விலை!

சென்னையில் ஆபரணத் தங்கம் விலை ஏற்று சற்று குறைந்த நிலையில் இன்று அதிகரித்துள்ளது.

இந்தியாவில் தங்கம் விலை தொடர்ந்து ஏற்ற இறக்கத்துடனேயே இருந்து வருகிறது. அவ்வப்போது அதிகளவில் உயர்வதும், கணிசமாக குறைவதுமாக இருந்தாலும் இந்தியாவில் குறிப்பாக தென்னிந்தியாவில் தங்கத்திற்கான மவுசு அதிகமாக இருப்பதாகவே கூறப்படுகிறது. தங்கத்தை வாங்க மக்கள் அதிக ஆர்வம் காட்டுவதாகவும், தங்கத்தில் முதலீடு செய்வதை பாதுகாப்பான மற்றும்  சிறந்த சேமிப்பாகவும் கருதுகின்றனர். அந்தவகையில் ஜூலை மாதம் தொடங்கியதில் இருந்தே தங்கம் விலை அதிரடியாக உயர்ந்தும், அவ்வப்போது குறைந்தும்  வருகிறது. நேற்று தங்கம் விலை அதிரடியாக சவரனுக்கு ரூ. 360 குறைந்து, சவரன் ரூ.73,000க்கும் கீழ் குறைந்து விற்பனையானது.  

இந்நிலையில் இன்று தங்கம் விலை சவரனுக்கு ரூ.40 அதிகரித்து ஒரு சவரன் ரூ.72,840 க்கும், கிராமுக்கு  5 ரூபாய்  அதிகரித்து , ஒரு கிராம் ஆபரணத்தங்கம்  ரூ. 9,105க்கும் விற்கப்படுகிறது. ஒரு கிராம் வெள்ளி ரூ.124க்கு விற்பனை செய்யப்படுகிறது.