சிவாஜி கணேசனின் புகழ், தரணியும், தமிழும் உள்ளவரை என்றென்றும் நிலைத்திருக்கும் - மு.க.ஸ்டாலின்

தமிழக முதலமைச்சர் மு.க.ஸ்டாலின் நடிகர் சிவாஜி கணேசனின் பிறந்தநாளையொட்டி அவர்களுக்கு புகழாரம் சூட்டியுள்ளார். 

சிவாஜி கணேசனை தவிர்த்துவிட்டு தமிழ் சினிமாவின் வரலாற்றை எழுதிவிட முடியாது. தன் கைதேர்ந்த நடிப்பால் அனைவரையும் கட்டிப்போட்டவர். இன்று அவரது 96வது பிறந்த நாள் கொண்டாடப்பட்டு வரும் நிலையில், தலைவர்கள் பலரும் நடிகர் சிவாஜி கணேசனுக்கு புகழாரம் சூட்டி வருகின்றனர். இந்த நிலையில், தமிழக முதலமைச்சர் மு.க.ஸ்டாலின் நடிகர் சிவாஜி கணேசனின் பிறந்தநாளையொட்டி அவர்களுக்கு புகழாரம் சூட்டியுள்ளார். 

இது தொடர்பாக அவர் வெளியிட்டுள்ள பதிவில்,  முத்தமிழறிஞர் கலைஞரின் கனல் தெறிக்கும் வசனங்களை அனல் பறக்கத் தமது சிம்மக் குரலால் பேசி, ரசிக நெஞ்சங்களில் சிம்மாசனமிட்டு அமர்ந்த “நடிகர் திலகம்” அவர்களின் 96-ஆவது பிறந்தநாள் இன்று. நடிப்பின்  இமயமாய், தமிழர்களின் கம்பீரமான கலையுலக அடையாளமாய் என்றென்றும் உயர்ந்து நிற்கும் "நடிகர் திலகம்" சிவாஜி கணேசன் அவர்களின் புகழ், தரணியும், தமிழும் உள்ளவரை என்றென்றும் நிலைத்திருக்கும். இவ்வாறு குறிப்பிட்டுள்ளார்.