அமரன் திரைப்படத்தை பார்த்து ரசித்த முதலமைச்சர் மு.க.ஸ்டாலின்!

சிவகார்த்திகேயன் நடிப்பில் வெளியாகியுள்ள அமரன் திரைப்படத்தின் முதல் காட்சி தமிழக முதலமைச்சர் மு.க.ஸ்டாலினுக்கு திரையிட்டு காட்டப்பட்டது. 

இயக்குநர் ராஜ்குமார் பெரியசாமி இயக்கத்தில் நடிகர் சிவகார்த்திகேயன் நடித்துள்ள திரைப்படம் 'அமரன்'. கமல்ஹாசனின் ராஜ்கமல் புரொடக்ஷன் தயாரிக்கும் இப்படத்தில் சிவகார்த்திகேயனுக்கு ஜோடியாக சாய் பல்லவி நடித்துள்ளார். ஜி.வி. பிரகாஷ் குமார் இசையமைத்துள்ள இப்படத்தில் சிவகார்த்திகேயன் 'முகுந்தன்' என்ற கதாபாத்திரத்தில் ராணுவ வீரராக நடித்துள்ளார். புவன் அரோரா, சுரேஷ் சக்கரவர்த்தி, ஸ்ரீகுமார் உள்ளிட்டோரும் முக்கிய கதாபாத்திரங்களில் நடித்துள்ளனர். உண்மை சம்பவத்தின் தழுவலை கொண்டுள்ள இப்படத்தின் மீது பெரும் எதிர்பார்ப்பு ஏற்பட்டுள்ளது. தீபாவளி பண்டிகையை முன்னிட்டு இன்று திரையரங்குகளில் வெளியாகவுள்ளது. 

இந்த நிலையில், சிவகார்த்திகேயன் நடிப்பில் வெளியாகியுள்ள அமரன் திரைப்படத்தின் முதல் காட்சி தமிழக முதலமைச்சர் மு.க.ஸ்டாலினுக்கு திரையிட்டு காட்டப்பட்டது. படக்குழுவினருடன் சேர்ந்து தமிழக முதலமைச்சர் மு.க.ஸ்டாலின் அமரன் திரைப்படத்தை பார்த்து ரசித்தார். இந்த நிகழ்வின் போது துணை முதலமைச்சர் உதயநிதி ஸ்டாலின், நடிகர் சிவகார்த்திகேயன், நடிகை சாய் பல்லவி உள்ளிட்ட படக்குழுவினர் உடனிருந்தனர்.