தோ்தல் பிரசாரத்தின்போது மதத்தின் அடிப்படையில் மக்களிடையே பிரிவினையை ஏற்படுத்த முயற்சித்ததாக பிரதமா் நரேந்திர மோடிக்கு எதிராக காங்கிரஸ் உள்ளிட்ட எதிா்க்கட்சிகள் அளித்த புகாா்கள் தொடா்பாக விளக்கம் அளிக்குமாறு பாஜக தேசியத் தலைவா் ஜெ.பி.நட்டாவுக்கு தோ்தல் ஆணையம் வியாழக்கிழமை நோட்டீஸ் அனுப்பியது.
மக்களின் சொத்துக்களை முஸ்லிம்களுக்கு மறு பங்கீடு செய்ய காங்கிரஸ் விரும்புவதாகும் பெண்களின் தாலியை கூட எதிர்க்கட்சிகள் விட்டு வைக்கவில்லை என்றும் மோடி கூறியதாக இந்த புகாரில் தெரிவிக்கப்பட்டு இருந்தது.
‘பிரதமா் தோ்தல் நடத்தை விதிகளை மீறியுள்ளதாக அளிக்கப்பட்ட புகாா் மீது விளக்கம் கேட்டு தோ்தல் ஆணையம் நோட்டீஸ் அனுப்பி நடவடிக்கையைத் தொடங்கியிருப்பது இதுவே முதல் முறை’ என்று அதிகாரிகள் தெரிவித்தனா்.
அதைத்தொடர்ந்து, "பிரதமருக்கு எதிரான புகாா் மீது அவருக்கு நோட்டீஸ அனுப்பாமல் கட்சித் தலைவருக்கு நோட்டீஸ் அனுப்பியது ஏன்?" என்று காங்கிரஸ் கேள்வி எழுப்பியுள்ளது.
இதுகுறித்து காங்கிரஸ் பொதுச் செயலா் ஜெய்ராம் ரமேஷ் அளித்த பேட்டியில் கூறியிருப்பதாவது:-
ராஜஸ்தான் பொதுக்கூட்டத்தில் பிரதமா் பேசியது தோ்தல் நடத்தை விதிக்கும், உச்சநீதின்றத்தின் பல்வேறு தீா்ப்புகளுக்கும் எதிரானது என்று தோ்தல் ஆணையத்தில் காங்கிரஸ் சாா்பில் புகாா் அளிக்கப்பட்டது. அதுபோல, வாக்குகளைப் பெறுவதற்காக மதத்தை தவறாகப் பயன்படுத்துகின்றனா் என்று பாஜகவின் மற்ற சில தலைவா்கள் மீது புகாா் அளித்துள்ளோம். இந்தப் புகாா்கள் மீதும் தோ்தல் ஆணையம் நடவடிக்கை எடுக்கும் என நம்புகிறோம்.
அ, பாஜக தரப்பில் அளிக்கப்பட்ட புகாரின் அடிப்படையில் காங்கிரஸ் கட்சிக்கும் தோ்தல் ஆணையம் நோட்டீஸ் அனுப்பியுள்ளது. அதற்கு உரிய பதிலளிப்போம்.
அத்துடன், பிரதமா் நரேந்திர மோடிக்கு எதிராக காங்கிரஸ் தரப்பில் அளிக்கப்பட்ட புகாருக்கு விளக்கம் அளிக்குமாறு பிரதமருக்கு நோட்டீஸ் அனுப்பாமல் கட்சியின் தலைவருக்கு தோ்தல் ஆணையம் நோட்டீஸ் அனுப்பியுள்ளது ஏன் என்பதைக் கவனிக்க வேண்டும்.
ஏனெனில், இதுவரை பி.வி.நரசிம்ம ராவ், அடல் பிகாரி வாஜ்பாய், மன்மோகன் சிங் என முன்னாள் பிரதமா்கள் யாா் மீதும் இதுபோன்று புகாா்கள் அளிக்கப்பட்டதில்லை. பிரதமா் மோடிக்கு எதிராக மட்டுமே இதுபோன்ற புகாா் அளிக்கப்பட்டுள்ளது. அதுவும், காங்கிரஸ் சாா்பில் இரண்டாவது முறையாகப் புகாா் அளிக்கப்பட்டுள்ளது.
பிரதமருக்கு எதிரான புகாா் அல்லது மத்திய உள்துறை அமைச்சா் அமித் ஷாவுக்கு எதிரான புகாா் என்று வருகிறபோது மட்டும் தோ்தல் ஆணையம் மிகுந்த கவனத்துடன் செயல்படுகிறது.
முன்னா், அமித் ஷாவுக்கு எதிராக அளிக்கப்பட்ட புகாா் மீது தோ்தல் ஆணையம் எந்தவித நடவடிக்கையும் எடுக்கவில்லை. அதே நேரம், அஸ்ஸாம் முதல்வருக்கு எதிரான புகாா் மீது மட்டும் நடவடிக்கை மேற்கொண்டது.அவ்வாறின்றி, புகாா்களை தோ்தல் ஆணையம் பாரபட்சமின்றி பரிசீலித்து, தேவைப்படும் இடங்களில் நோட்டீஸ் அனுப்பி நடவடிக்கை எடுக்க வேண்டும் என எதிா்பாா்க்கிறோம்".
இவ்வாறு ஜெயராம் ரமேஷ் கூறினார்.
அவர் மேலும் கூறுகையில், "பிரதமரின் 'முரட்டுத்தனமான' கருத்துக்களை தொடர்ந்து பொதுமக்கள் காட்டிய 'அழுத்தம்' , அதன் மீது நடவடிக்கை எடுக்கும்படி தேர்தல் ஆணையத்தை கட்டாயப்படுத்தியது. ஆனால் ராகுல் காந்தியின் கருத்துக்கும் நோட்டீஸ் அனுப்புவதன் மூலம் அதை ஈடு செய்ய வேண்டுமா?
இரண்டையும் 'சமன்' செய்வதன் மூலம் தேர்தல் ஆணையம் அதன் சொந்த நிர்பந்தங்களுக்கு கவனம் ஈர்த்து உள்ளது. இந்த சமன்பாடு எந்த நிலையிலும் வினோதமானது, முற்றிலும் தேவையற்றது மற்றும் நியாயமற்றது" என்றும் தாக்குதல் தொடுத்தார்.