நடிகர் பிரபுவின் மகளை கரம் பிடித்தார் இயக்குநர் ஆதிக் ரவிச்சந்திரன்

நடிகர் பிரபுவின் மகள் ஐஸ்வர்யாவுக்கும், இயக்குநர் ஆதிக் ரவிச்சந்திரனுக்கும் இன்று திருமணம் நடைபெற்றது.

ஆதிக் ரவிச்சந்திரன் ஜி.வி.பிரகாஷ் நடிப்பில் வெளியான திரிஷா இல்லன்னா நயன் தாரா திரைப்படத்தின் மூலம் தமிழ் சினிமாவில் இயக்குநராக அறிமுகமானார். அந்த படத்தை தொடர்ந்து நடிகர் சிம்புவை வைத்து அன்பானவ அசராதவன் அடங்காதவன் திரைப்படத்தை எடுத்தார். அந்த திரைப்படம் பெரும் தோல்வி அடைந்த நிலையில், தற்போது இவரது இயக்கத்தில் மார்க் ஆண்டனி திரைப்படம் வெளியானது. நடிகர் விஷா, எஸ்.ஜே. சூரியா நடிப்பில் வெளியான இந்த திரைப்படம் பெரிய வெற்றி பெற்றது. ரூ.100 கோடிக்கு மேல் வசூலித்து அந்த திரைப்படம் பெரிய வெற்றி பெற்றது. 

இந்த நிலையில், நடிகர் பிரபுவின் மகள் ஐஸ்வர்யாவுக்கும், இயக்குநர் ஆதிக் ரவிச்சந்திரனுக்கும் இன்று திருமணம் நடைபெற்றது. இயக்குநர் ஆதிக் ரவிச்சந்திரனும், பிரபுவின் மகள் ஐஸ்வர்யாவும் காதலித்து வந்ததாக கூறப்படுகிறது. இவர்களது காதலுக்கு இருவீட்டாரும் பச்சைக் கொடி காட்டியதை தொடர்ந்து இன்று இவர்களது திருமணம் நடைபெற்றது. இவர்களது திருமணத்தில் நடிகர் விஷால், லெஜண்ட் சரவணன், மூத்த பத்திரிக்கையாளர் ரங்கராஜ் பாண்டே உள்ளிட்ட பிரபலங்கள் பலரும் கலந்துகொண்டனர்.