திருப்பூரிலும் ‘வெல்லும் தமிழ் பெண்கள்’... டிச.29-ல் திமுக மேற்கு மண்டல மகளிர் அணி மாநாடு

29.12.2025 திங்கட் கிழமை  அன்று திருப்பூர் மாவட்டம், பல்லடத்தில் முதலமைச்சர் மு.க.ஸ்டாலின் சிறப்புரையாற்றிட, திமுக துணைப் பொதுச்செயலாளர்  கனிமொழி எம்.பி. தலைமையில் “வெல்லும் தமிழ்ப் பெண்கள்” தி.மு.க. மேற்கு மண்டல மகளிர் அணி மாநாடு நடைபெறும் என தெரிவிக்கப்பட்டுள்ளது.

இதுதொடர்பாக திமுக தலைமைக் கழகம் வெளியிட்டுள்ள அறிக்கையில், “1.31 கோடி மகளிருக்கு ‘கலைஞர் மகளிர் உரிமைத் தொகை’, ‘விடியல் கட்டணமில்லா பேருந்துப் பயணம்’, கல்வி கற்கும் மாணவிகளுக்கு ‘புதுமைப் பெண் திட்டம்’, வேலைக்குச் செல்லும் மகளிருக்கு பாதுகாப்பான ‘தோழி விடுதி’, இந்தியாவிலேயே  அதிக அளவாக 43 சதவீதம் வேலைக்குப் போகும் பெண்களைக் கொண்ட மாநிலமாகத் தமிழ்நாடு திகழ்வதற்கான சூழல் என மகளிர் மேம்பாட்டுக்காக தொடர்ச்சியான திட்டங்களை வகுத்து வரும் முதலமைச்சர் மு.க.ஸ்டாலின் சிறப்புரையாற்றிட - திமுக துணைப் பொதுச்செயலாளர்  கனிமொழி கருணாநிதி , எம்.பி., தலைமையில், திமுக பொதுச்செயலாளர் துரைமுருகன், பொருளாளர் டி.ஆர்.பாலு, எம்.பி., முதன்மைச் செயலாளர் கே.என்.நேரு, துணைப் பொதுச்செயலாளர்கள் ஐ.பெரியசாமி, முனைவர் க.பொன்முடி, திருச்சி சிவா, எம்.பி., ஆ.இராசா, எம்.பி., அந்தியூர் ப.செல்வராஜ், எம்.பி.,  மு.பெ.சாமிநாதன், அமைப்புச் செயலாளர் ஆர்.எஸ்.பாரதி,  கழக மகளிர் அணிச் செயலாளர் திருமதி ஹெலன் டேவிட்சன், மகளிர் தொண்டர் அணிச் செயலாளர் நாமக்கல் ப.இராணி ஆகியோர் முன்னிலையில் கரூர் மாவட்டக் திமுக செயலாளர் வி.செந்தில்பாலாஜி, எம்.எல்.ஏ., வரவேற்பில்  வருகிற 29.12.2025 திங்கட்கிழமை, மாலை 4.00 மணி அளவில், திருப்பூர் மாவட்டம், பல்லடத்தில், “வெல்லும் தமிழ்ப் பெண்கள்”   தி.மு.க. மேற்கு மண்டல மகளிர் மாநாடு நடைபெற உள்ளது” என தெரிவிக்கப்பட்டுள்ளது.