திமுக, பாஜக தவிர மற்ற கட்சிகளை விமர்சனம் செய்ய வேண்டாம் - ஈபிஎஸ் அறிவுறுத்தல்!

திமுக, பாஜகவை தவிர மற்ற கட்சிகளை விமர்சனம் செய்ய வேண்டாம் என மாவட்டச் செயலாளர்கள் கூட்டத்தில் அதிமுக பொதுச்செயலாளர் எடப்பாடி பழனிசாமி அறிவுறுத்தியதாக தகவல் வெளியாகியுள்ளது. 

அனைத்திந்திய அண்ணா திராவிட முன்னேற்றக் கழகப் பொதுச் செயலாளர், சட்டமன்ற எதிர்க்கட்சித் தலைவர், தமிழ் நாடு முன்னாள் முதலமைச்சர்  எடப்பாடி K. பழனிசாமி தலைமையில், புரட்சித் தலைவர் எம்.ஜி.ஆர். மாளிகையில், இன்று அதிம்முக மாவட்டக் கழகச் செயலாளர்கள் மற்றும் பிற மாநிலங்களைச் சேர்ந்த, மாநிலக் கழகச் செயலாளர்கள் ஆலோசனைக் கூட்டம் நடைபெற்றது. இந்த கூட்டத்தில் கட்சியின் முக்கிய தலைவர்கள் மற்றும் அனைத்து மாவட்ட செயலாளர்கள், பிற மாநில நிர்வாகிகள் பங்கேற்றர். இந்த கூட்டத்தில் 2026ம் ஆண்டு நடைபெறவுள்ள சட்டமன்ற தேர்தல் முன்னேற்பாடுகள் மற்றும் கூட்டணி அமைப்பது தொடர்பாக ஆலோசனை நடத்தப்பட்டதாக கூறப்படுகிறது.

இந்த நிலையில், திமுக, பாஜகவை தவிர மற்ற கட்சிகளை விமர்சனம் செய்ய வேண்டாம் என மாவட்டச் செயலாளர்கள் கூட்டத்தில் அதிமுக பொதுச்செயலாளர் எடப்பாடி பழனிசாமி அறிவுறுத்தியதாக தகவல் வெளியாகியுள்ளது. வருகிற 2026ம் ஆண்டு சட்டமன்ற தேர்தலில் கூட்டணி மாறலாம் என்பதால் மற்ற கட்சிகளை விமர்சனம் செய்ய வேண்டும் என எடப்பாடி பழனிசாமி அறிவுறுத்தியதாக கூறப்படுகிறது.