மருத்துவமனையில் முன்னாள் சபாநாயகர் - நலம் விசாரித்தார் முதல்வர் ஸ்டாலின்

அதிமுக முன்னாள் சபாநாயகர் தனபால் உடல்நலக்குறைவால் மருத்துவமனையில் அனுமதிக்கப்பட்டுள்ளார்.

அதிமுக சார்பாக 2011ம் ஆண்டு ராசிபுரம் சட்டமன்றத் தொகுதியில் போட்டியிட்டு வெற்றி பெற்ற இவர்,  கடந்த 2012 ஆம் ஆண்டு சட்டப் பேரவையின் 19வது தலைவராக தேர்வு செய்யப்பட்டார்.  2020 ஆம் ஆண்டு அதிமுக ஆட்சியில் உணவு மற்றும் கூட்டுறவு துறை அமைச்சராக பதவி வகித்த இவர் , கடந்த 10 ஆண்டுகளாக அதிமுக ஆட்சியில் சபாநாயகராக பணியாற்றி வந்தார். 

இந்நிலையில் அதிமுக முன்னாள் சபாநாயகர் தனபாலுக்கு திடீர் உடல் நலக் குறைவு காரணமாக அவர் சென்னையில் உள்ள தனியார் மருத்துவமனையில் அனுமதிக்கப்பட்டுள்ளார்.  முன்னாள் சபாநாயகர்  ப.தனபால் உடல் நலக் குறைவு காரணமாக தனியார் மருத்துவமனையில் அனுமதிக்கப்பட்டுள்ளதையறிந்த தமிழக முதல்வர் ஸ்டாலின் தொலைபேசி வாயிலாக மருத்துவர்களிடம் பேசி  உடல் நலன் குறித்து விசாரித்தார்.