"அதிமுகவுடன் பா.ம.க. கூட்டணி என்று வதந்தி பரப்பாதீர்" - அன்புமணி
![anbumani ramadoss](https://www.toptamilnews.com/static/c1e/client/88252/uploaded/119f53e937f840a817fb2d5ab4d9932c.jpg)
அதிமுகவுடன் பா.ம.க. கூட்டணி என்று வதந்தி பரப்ப வேண்டாம் என்று அன்புமணி ராமதாஸ் வலியுறுத்தியுள்ளார்.
பாமக தலைவர் அன்புமணி ராமதாஸ் செய்தியாளர்களை சந்தித்த போது, மகளிருக்கு வழங்குவதைப் போல சென்னையில் ஆண்கள் அனைவருக்கும் இலவசப் பேருந்துகள் கொடுக்க வேண்டும்; பிறகு படிப்படியாக, வாய்ப்புள்ள இடங்களில் இதனை விரிவுப்படுத்த வேண்டும் அப்போதுதான் பொது போக்குவரத்தை அதிகம் பயன்படுத்துவார்கள்.
மாசு பிரச்சனையால் சென்னையில் ஆண்டுக்கு 4,000 பேர் இறக்கும் சூழல் உள்ளது; இதனைத் தவிர்க்க தமிழக அரசு பல்வேறு புதிய நடவடிக்கைகளை மேற்கொள்ள வேண்டும்.அதிமுகவுடன் பா.ம.க. கூட்டணி என்று வதந்தி பரப்ப வேண்டாம். கூட்டணிக்காக சில கட்சிகளுடன் பேசி வருகிறோம்; அது யார் என இப்போது சொல்ல முடியாது. தற்போது வரை யாருடனும் கூட்டணி உறுதியாகவில்லை; கூட்டணி தொடர்பான பா.ம.க. நிலைப்பாட்டை நாங்கள் விரைவில் தெரிவிக்கிறோம் என்றார்.