தொடர்ந்து ஜெட் வேகத்தில் ஏறும் தங்கம் விலை... இன்றும் அதிரடியாக உயர்வு

சென்னையில் இன்று ஆபரண தங்கத்தின் விலை சவரனுக்கு ரூ.600 உயர்ந்து ஒரு சவரன் தங்கம் ரூ.58,400க்கு விற்பனை செய்யப்பட்டு வருகிறது.

சென்னையில் ஆபரண தங்கத்தின் விலை ஓவ்வொரு நாளும் ஏற்ற, இறக்கங்களை சந்தித்து வருகிறது. கடந்த திங்கள் கிழமை ஆபரண தங்கத்தின் விலை சவரனுக்கு ரூபாய் 480 உயர்ந்து ஒரு சவரன் தங்கம் ரூ.55,960க்கு விற்பனை செய்யப்பட்டது. செவ்வாய் கிழமை  தங்கம் விலை சவரனுக்கு ரூபாய் 560 உயர்ந்து ஒரு சவரன் தங்கம் ரூ.56,520க்கு விற்பனை செய்யப்பட்டது.  புதன் கிழமை சவரனுக்கு ரூ.400 உயர்ந்து ஒரு சவரன் தங்கம் ரூ.56,920க்கு விற்பனை செய்யப்பட்டது. இதேபோல் நேற்று முன் தினம் ஆபரண தங்கத்தின் விலை சவரனுக்கு ரூ.240 உயர்ந்து ஒரு சவரன் தங்கம் ரூ.57,160க்கு விற்பனை செய்யப்பட்டது. நேற்று சவரனுக்கு ரூ.640 உயர்ந்து ஒரு சவரன் தங்கம் ரூ.57,800க்கு விற்பனை செய்யப்பட்டது.

இந்த நிலையில், தொடர்ந்து 6வது நாளாக இன்றும் தங்கம் விலை அதிகரித்துள்ளது.  சென்னையில் இன்று ஆபரண தங்கத்தின் விலை சவரனுக்கு ரூ.600 உயர்ந்து ஒரு சவரன் தங்கம் ரூ.58,400க்கு விற்பனை செய்யப்பட்டு வருகிறது. இதேபோல் ஆபரண தங்கம் கிராமுக்கு ரூ.75 உயர்ந்து ரூ.7,300க்கு விற்பனை செய்யப்பட்டு வருகிறது. கடந்த 6 நாட்களில் தங்கம் விலை சவரனுக்கு ரூ.2,920 உயர்ந்துள்ளதால் இல்லத்தரசிகள் கவலை அடைந்துள்ளனர்.