சென்னையில் ஆபரணத் தங்கம் விலை சவரனுக்கு ரூ.840 குறைந்துள்ளது.
சென்னையில் ஆபரண தங்கத்தின் விலை ஒவ்வொரு நாளும் ஏற்ற இறக்கங்களை சந்தித்து வருகிறது. சர்வதேச சந்தை நிலவரம் மற்றும் டாலருக்கு நிகரான இந்திய ரூபாயின் மதிப்பு உள்ளிட்ட காரணங்களால் தினமும் தங்கம் விலையில் மாற்றம் ஏற்படுகிறது. தங்கம் விலை கடந்த சில ஆண்டுகளாகவே அதிரடி ஏற்றங்களை கண்டு வருகிறது. அவ்வப்போது குறைவதும் உயர்வதுமாக போக்கு காட்டி வந்தாலும், கனிசமாக அதிகரித்திருப்பதே கசப்பான உண்மை.
கடந்த ஆண்டு தொடக்கத்தில் ரூ.50,000 என்கிற அளவில் இருந்த தங்கம் விலை, நடப்பு ஆண்டில் ரூ.70,000ஐ தாண்டி விற்பனையாகி வருகிறது. அதன்பிறகும் மெல்ல மெல்ல ஏற்றம் கண்டு நேற்று வரை 74 ஆயிரத்தை தாண்டி விற்பனையாகி வந்தது.
இந்த நிலையில் இன்று சென்னையில் ஆபரணத்தங்கம் விலை அதிரடியாக சவரனுக்கு ரூ.840 குறைந்துள்ளது. அதன்படி 22 கேரட் ஆபரணத்தங்கம் சவரன் ரூ.73,600க்கு விற்பனையாகிறது. அதேபோல் ஒரு கிராம் தங்கம் ரூ.9,200க்கு விற்பனை செய்யப்பட்டு வருகிறது. தங்கத்தின் இந்த விலைகுறைப்பு இல்லத்தரசிகள் மற்றும் நடுத்தர வர்க்கத்தினரை சற்று ஆறுதல் அடையச்செய்துள்ளது.