அதிரடியாக ஏற்றம் கண்ட தங்கம் விலை.. சவரனுக்கு ரூ.440 உயர்வு..!!

சென்னையில் ஆபரணத்தங்கம் விலை சவரனுக்கு ரூ.,440 உயர்ந்துள்ளது.  
 
சர்வதேச சந்தை நிலவரங்களுக்கு ஏற்ப இந்தியாவில் தங்கம் விலை ஏற்ற இறக்கத்துடன் இருந்து வருகிறது. அவ்வப்போது விலை உயர்வதும் , குறைவதுமாக போக்கு காட்டி வரும் தங்கம் விலை,  கனிசமாக ஏற்றம் கண்டுள்ளதே நிதர்சனம்.  கடந்த ஆண்டுகளில் ஒரு சவரன் சுமார்  ரூ.50,000 என்று விற்பனையான நிலையில் , நடப்பாண்டு ரூ.74ஆயிரத்தை கடந்து வரலாற்றில் புதிய உச்சத்தை தொட்டது.  

ஆனால்  ஜூலை மாதம் தொடங்கியதில் இருந்தே தங்கம் விலை அதிரடியாக உயர்ந்தும், அவ்வப்போது குறைந்தும்  வருகிறது.  ஜூலை 1ம் தேதி  சவரனுக்கு ரூ. 840 உயர்ந்தது;  ஜூலை 3 அன்று  சவரனுக்கு  ரூ.360 ரூபாயும், ஜூலை 3ம் தேதி  சவரனுக்கு ரூ.320ம் ஏற்றம் கண்டது.  தொடர்ந்து 4 நாட்களுக்குப் பிறகு ஜூலை 4ம்தேதி  சவரனுக்கு ரூ.440 குறைந்து ஒரு சவரன் ரூ.72,400க்கும்  கிராம் ரூ.9,010க்கும் விற்பனையானது. வார விடுமுறைக்குப் பிறகு 7ம் தேதி மீண்டும் சரிவை சந்தித்த தங்கம் விலை சவரனுக்கு ரூ.400 குறைந்து ஒரு சவரன் ரூ.72,080க்கு விற்கப்பட்டது. பின்னர் ஜூலை 8ம்தேதி  சவரனுக்கு ரூ.400 உயர்ந்து ஒரு சவரன் ரூ.72,480க்கும் கிராம் ரூ.9,060க்கும் விற்பனையானது.  

பின்னர் ஜூலை 9  தங்கம் விலை  சவரனுக்கு ரூ.480 குறைந்து ஒரு சவரன் ரூ.72,000க்கு விற்கப்பட்டது. மேலும் கிராமுக்கு ரூ.60 குறைந்து  ஒரு கிராம் ஆபரணத்தங்கம் ரூ.9,000க்கு விற்பனையாகிறது. தொடர்ந்து நேற்றைய தினம் சவரன் ரூ.160 உயர்ந்து ஒரு பவுன் ரூ.72,160க்கு விற்கப்பட்டது.  

இந்நிலையில் இன்று தங்கம் விலை அதிரடியாக சவரனுக்கு 440 ரூபாயும், கிராமுக்கு 55 ரூபாயும் அதிகரித்துள்ளது. அதன்படி சென்னையில் 22 கேரட் ஆபரணத்தங்கம் ஒரு சவரன் ரூ.72,600க்கும், ஒரு கிராம்  ரூ.9,075க்கும் விற்பனை செய்யப்படுகிறது.  அதேபோல் சென்னையில் சில்லறை விற்பனையில் வெள்ளி  விலை கிராமுக்கு 1 ரூபாய் உயர்ந்து  ஒரு கிராம்  ரூ.121க்கு விற்கப்படுகிறது.