நாளுக்கு நாள் புதிய உச்சம் தொடும் தங்கம் விலை..!! சவரன் ரூ.59,000ஐ நெருங்கியது..

நாளுக்கு நாள் புதிய உச்சத்தை எட்டிவரும் தங்கம் விலை, ஒரு சவரன் ரூ.59,000ஐ நெருங்கியுள்ளது. 

உள்நாட்டில் தங்கத்தின் தேவை அதிகரிப்பு, தங்கத்தின் மீதான முதலீடுகள் அதிகரிப்பு உள்ளிட்ட  காரணங்களால் தங்கம் விலை  நாளுக்கு நாள் ஏற்றம் அதிரடி கண்டு வருகிறது.  கடந்த மாதம் இறுதியில் இருந்து அதிரடியாக ஏற்றம் கண்டு வரும் தங்கம் விலை, கடந்த 16ம் தேதி  ஒரே அடியாக சவரனுக்கு  ரூ.360 ரூபாய்  உயர்ந்து  ரூ. 57,000ஐ தாண்டியது.  தொடர்ந்து  அக்.17 அன்று 160 ரூபாயும், அக்.18 ம் தேதி இதுவரை இல்லாத அளவாக ஒரே நாளில்  சவரனுக்கு ரூ.640 உயர்ந்தது. து, 22 கேரட் ஆபரணத்தங்கம் ஒரு சவரன் 57,920 ரூபாய் என்கிற புதிய உச்சத்தை எட்டியது.  ஒரு கிராம் தங்கம் ரூ.7,240க்கு விற்பனையானது.  

தொடர்ச்சியாக கடந்த 19ம் தேதி சவரனுக்கு 320 ரூபாயும், நேற்று முன்தினம் ( அக்.21) மேலும் ரூ.160 அதிகரித்து ஒரு சவரன் ரூ.58,400க்கு விற்பனை செய்யப்பட்டது. ஒரு  இதேபோல் வெள்ளி விலையும் புதிய உச்சமாக  ஒரு கிராம் ரூ.110க்கு விற்பனையானது. இந்த நிலையில் சென்னையில் இன்று மீண்டும் தங்கம் விலை அதிரடியாக ஏற்றம் கண்டு ஒரு சவரன் ரூ. 59,000ஐ நெருங்கியது.  

அதன்படி சென்னையில்  இன்று 22 கேரட் ஆபரணத்தங்கம் ஒரே நாளில் சவரனுக்கு ரூ.320 உயர்ந்து  ஒரு சவரன் ரூ. 58,720 என்கிற புதிய உச்சத்தை எட்டியுள்ளது. மேலும்  கிராமுக்கு ரூ.40 உயர்ந்து ஒரு கிராம் ஆபரணத்தங்கம் ரூ. 7,340க்கு விற்பனையாகிறது.  இதேபோல் தங்கம் விலையை தொடர்ந்து வெள்ளி விலையும் புதிய உச்சத்தை எட்டியுள்ளது. சென்னையில் சில்லறை விற்பனையில் வெள்ளி விலை கிராமுக்கு ரூ. 2 உயர்ந்து ஒரு கிராம் ரூ.112க்கு விற்பனை செய்யப்படுகிறது.   தங்கம் மற்றும் வெள்ளியின் இந்த அதிரடி விலையேற்றம் அனைத்து தரப்பு மக்களையும்  கலக்கத்தில் ஆழ்த்தியுள்ளது.