ஏறிய வேகத்தில் இறங்கிய தங்கம் விலை!

சென்னையில் ஆபரண தங்கத்தின் விலை ஒவ்வொரு நாளும் ஏற்ற இறக்கங்களை சந்தித்து வருகிறது. சர்வதேச பொருளாதார நிலை மற்றும் டாலருக்கு நிகரான இந்திய ரூபாயின் மதிப்பு உள்ளிட்ட காரணங்களால் தினமும் தங்கம் விலையில் மாற்றம் ஏற்படுகிறது. வாரத்தின் முதல் நாளான திங்கள் கிழமை தங்கத்தின் விலை சவரனுக்கு ₹80 அதிகரித்து ஒரு சவரன் ரூ.64,400க்கு விற்பனையானது. செவ்வாய் கிழமை சவரனுக்கு ரூ.240 குறைந்து ஒரு சவரன் தங்கம் ரூ.64,160க்கு விற்பனையானது. புதன் கிழமை சவரனுக்கு ரூ.360 உயர்ந்து ஒரு சவரன் தங்கம் ரூ.64,520க்கு விற்பனை செய்யப்பட்டது. வியாழன் அன்று சவரனுக்கு ரூ.440 உயர்ந்து ஒரு சவரன் தங்கம் ரூ.64,960க்கு விற்பனை செய்யப்பட்டது. நேற்று வரனுக்கு ரூ.880 உயர்ந்து ஒரு சவரன் தங்கம் ரூ.65,840க்கு விற்பனை செய்யப்பட்டது. நேற்று மாலை மீண்டும் தங்கம் விலையில் மாற்றம் ஏற்பட்டது. 

இந்த நிலையில், இன்று தங்கம் விலை குறைந்துள்ளது. சென்னையில் இன்று 22 கேரட் ஆபரணத் தங்கத்தின் விலை சவரனுக்கு ரூ.640 குறைந்து ஒரு சவரன் தங்கம் ரூ.65,760க்கு விற்பனை செய்யப்பட்டு வருகிறது. இதேபோல் ஆபரண தங்கம் கிராமுக்கு ரூ.80 குறைந்து ஒரு கிராம் தங்கம் ரூ.8,220க்கு விற்பனை செய்யப்பட்டு வருகிறது. தங்கம் விலை குறைந்துள்ளதால் இல்லத்தரசிகள் சற்று நிம்மதி அடைந்துள்ளனர்.